ಕಾಶ್ಮೀರದ ದಾಳಿಕೋರ ಉಗ್ರರ ಬಳಿ ಚೀನ ನಿರ್ಮಿತ ಶಸ್ತ್ರಾಸ್ತ್ರಗಳು ಪತ್ತೆ!

Team Udayavani, Dec 27, 2023, 12:32 AM IST

ಶ್ರೀನಗರ: ಜಮ್ಮು-ಕಾಶ್ಮೀರದಲ್ಲಿ ಇತ್ತೀಚೆಗೆ ಸೇನೆ ಸಿಬಂದಿಯನ್ನು ಗುರಿಯಾಗಿಸಿ ನಡೆದ ದಾಳಿಗಳು ಸೇರಿದಂತೆ ಭದ್ರತಾ ಪಡೆಗಳನ್ನು ಗುರಿಯಾಗಿಸಿ ಉಗ್ರರು ನಡೆಸುತ್ತಿರುವ ದಾಳಿಗಳಲ್ಲೆಲ್ಲ ಚೀನ ನಿರ್ಮಿತ ಶಸ್ತ್ರಾಸ್ತ್ರಗಳು, ಮದ್ದುಗುಂಡು, ಬಾಡಿ ಕೆಮರಾಗಳನ್ನು ಬಳಸಲಾಗುತ್ತಿದೆ ಎಂಬ ಆತಂಕಕಾರಿ ವಿಚಾರವನ್ನು ಗುಪ್ತಚರ ಮೂಲಗಳು ಬಹಿರಂಗ ಪಡಿಸಿವೆ. ಈ ಮೂಲಕ ಭಾರತದ ವಿರುದ್ಧ ಭಯೋತ್ಪಾದಕ ಕೃತ್ಯಗಳನ್ನು ನಡೆಸಲು ಚೀನ ಮತ್ತು ಪಾಕ್‌ ಕೈ ಜೋಡಿಸಿರುವುದು ಮತ್ತೂಮ್ಮೆ ರುಜುವಾತಾಗಿದೆ.

ವರದಿಗಳ ಪ್ರಕಾರ, ಡ್ರೋನ್‌ಗಳು, ಹ್ಯಾಂಡ್‌ ಗ್ರೆನೇಡ್‌, ಸ್ನೆ„ಪರ್‌ ಗನ್‌, ಕಮ್ಯೂನಿಕೇಶನ್‌ ಡಿವೈಸ್‌ಗಳು ಮತ್ತು ಇನ್ನಿತರ ಶಸ್ತ್ರಾಸ್ತ್ರಗಳನ್ನು ಪಾಕ್‌ ಸೇನೆಗೆ ಚೀನ ಪೂರೈಸುತ್ತಿದೆ. ಈ ನಡುವೆ ರಕ್ಷಣ ಸಚಿವ ರಾಜನಾಥ ಸಿಂಗ್‌ ಬುಧವಾರ ಜಮ್ಮು – ಕಾಶ್ಮೀರಕ್ಕೆ ಭೇಟಿ ನೀಡಿ, ಅಲ್ಲಿನ ಭದ್ರತಾ ಪರಿಸ್ಥಿತಿ ಬಗ್ಗೆ ಪರಿಶೀಲನೆ ನಡೆಸಲಿದ್ದಾರೆ.