ರಾಷ್ಟ್ರಪತಿಗಳ ಎಡಿಸಿಯಾಗಿ ಲೆ| ಜ| ಕಾರ್ಯಪ್ಪ

Team Udayavani, Apr 30, 2022, 5:50 AM IST

ಮಡಿಕೇರಿ: ದೇಶದ ರಕ್ಷಣಾ ಪಡೆಗಳ ಮುಖ್ಯಸ್ಥರೂ ಆಗಿರುವ ದೇಶದ ರಾಷ್ಟ್ರಪತಿಗಳ ಪರ್ಸನೆಲ್‌ ಆಫೀಸರ್‌ (ಎಡಿಸಿ – Aide de.Camp) ಆಗಿ ಕೊಡಗಿನವರಾದ ಲೆಫ್ಟಿನೆಂಟ್‌ ಜನರಲ್‌ ಕೋದಂಡ ಪಿ. ಕಾರ್ಯಪ್ಪ ಅವರು ನಿಯುಕ್ತಿಗೊಂಡಿದ್ದಾರೆ.

ಇದೊಂದು ಗೌರವಯುತವಾದ ಸ್ಥಾನವಾಗಿದ್ದು, ಸೇನಾ ಜಿಲ್ಲೆ ಖ್ಯಾತಿಯ ಕೊಡಗಿಗೆ ಮತ್ತೂಂದು ಹಿರಿಮೆಯಾಗಿದೆ.

ಲೆ| ಜ| ಕೋದಂಡ ಕಾರ್ಯಪ್ಪ ಅವರು ಕೆಲವು ಸಮಯದ ಹಿಂದೆ ಹೊಸದಾಗಿ ಸೃಷ್ಟಿಯಾಗಿರುವ ಮಾಸ್ಟರ್‌ ಜನರಲ್‌ ಸಸ್ಟೆನೆನ್ಸ್‌ (ಎಂಜಿಎಸ್‌) ಆಗಿಯೂ ಅಲ್ಲದೆ ಪ್ರಿನ್ಸಿಪಲ್‌ ಸ್ಟಾಫ್ ಆಫೀಸರ್‌ ಟು ಚೀಫ್ ಆಫ್ ಆರ್ಮಿ ಸ್ಟಾಫ್ ಆಗಿಯೂ ನಿಯುಕ್ತಿಗೊಂಡಿದ್ದರು. ಮಾತ್ರವಲ್ಲದೆ ರಜಪೂತ್‌ ರೈಫ‌ಲ್ಸ್‌ನ ಮುಖ್ಯಸ್ಥರೂ ಇವರಾಗಿದ್ದಾರೆ. ಇದೀಗ ಈ ಸ್ಥಾನದೊಂದಿಗೆ ಕಾರ್ಯಪ್ಪ ಅವರು ರಾಷ್ಟ್ರಪತಿಗಳ ಎಡಿಸಿಯಾಗಿಯೂ ನೇಮಕಗೊಂಡಿದ್ದು, ಮಾಸ್ಟರ್‌ ಜನರಲ್‌ ಸಸ್ಟೆನೆನ್ಸ್‌ (ಸಶಸ್ತ್ರ ವಿಭಾಗ) ಪ್ರಥಮ ಅಧಿಕಾರಿಯಾಗಿದ್ದಾರೆ.