US: ಅಕ್ರಮ ವಲಸಿಗರಿಗೆ ಜನಿಸಿದ ನಾಗರಿಕರ ಗಡಿಪಾರು: ವಿವೇಕ್‌ ರಾಮಸ್ವಾಮಿ 

Team Udayavani, Sep 10, 2023, 8:20 PM IST

ವಾಷಿಂಗ್ಟನ್‌: ಅಮೆರಿಕ ಅಧ್ಯಕ್ಷರಾಗಿ ಆಯ್ಕೆಯಾದರೆ, ಅಕ್ರಮ ವಲಸಿಗರಿಗೆ ಜನಿಸಿದ ಅಮೆರಿಕ ನಾಗರಿಕರನ್ನು ಗಡಿಪಾರು ಮಾಡಲಾಗುವುದು ಎಂದು ಭಾರತೀಯ ಮೂಲದ ರಿಪಬ್ಲಿಕನ್‌ ಪಕ್ಷದ ಅಭ್ಯರ್ಥಿ ವಿವೇಕ್‌ ರಾಮಸ್ವಾಮಿ ಘೋಷಿಸಿದ್ದಾರೆ. ಫ್ಲೋರಿಡಾದ ಆರೆಂಜ್‌ ಸಿಟಿಯಲ್ಲಿ ಮಾತನಾಡಿದ ಅವರು, “ಅಕ್ರಮ ವಲಸಿಗರಿಗೆ ಜನಿಸಿದ ಅಮೆರಿಕ ನಾಗರಿಕರನ್ನು ಅವರ ಕುಟುಂಬಗಳ ಸಮೇತ ಗಡಿಪಾರು ಮಾಡಲಾಗುವುದು’ ಎಂದಿದ್ದಾರೆ. ಈ ರೀತಿ ಸಾಮೂಹಿಕ ಗಡಿಪಾರಿನ ವಾಗ್ಧಾನ ನೀಡುತ್ತಿರುವುದು ರಿಪಬ್ಲಿಕನ್‌ ಪಕ್ಷದ ಅಭ್ಯರ್ಥಿಗಳ ಪೈಕಿ ಇವರು ಮೊದಲಿಗರಲ್ಲ.

ಎರಡನೇ ಬಾರಿಗೆ ಅಮೆರಿಕ ಅಧ್ಯಕ್ಷನಾಗಿ ಅಧಿಕಾರಕ್ಕೆ ಬಂದರೆ ಇದೇ ರೀತಿ ಗಡಿಪಾರು ಮಾಡುವುದಾಗಿ ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಕೆಲವು ದಿನಗಳ ಹಿಂದೆ ಭರವಸೆ ನೀಡಿದ್ದರು. ಅಮೆರಿಕದ ಈಗಿರುವ ಕಾನೂನಿನ ಪ್ರಕಾರ, ದೇಶದಲ್ಲಿ ಜನಸಿದ ಮಕ್ಕಳು ನಿರಾಯಾಸವಾಗಿ ಪೌರತ್ವ ಪಡೆಯುತ್ತಾರೆ.