Gangolli: ವರದಕ್ಷಿಣೆ ಕಿರುಕುಳ ಪ್ರಕರಣ: ನಾಲ್ವರ ವಿರುದ್ಧ ದೂರು ದಾಖಲು

Team Udayavani, Aug 15, 2024, 7:47 PM IST

ಗಂಗೊಳ್ಳಿ: ಮದುವೆಯಾಗಿ ಎರಡೂವರೆ ತಿಂಗಳ ಬಳಿಕ ಪತಿ ಕಾಸರಗೋಡು ಮೂಲದ ರಾಜೀವ, ಅತ್ತೆ ಲಲಿತಾ, ಅಣ್ಣ ಉಮೇಶ್‌, ಅತ್ತಿಗೆ ಉಷಾ ವರದಕ್ಷಿಣೆಗಾಗಿ ಕಿರುಕುಳ ನೀಡಿ, ಹಲ್ಲೆಗೈದಿರುವುದಾಗಿ ತ್ರಾಸಿಯ ಸುಮಲತಾ (35) ದೂರು ನೀಡಿದ್ದಾರೆ.

ಕಳೆದ ಜನವರಿಯಲ್ಲಿ ಕೇರಳದ ಕಾಸರಗೋಡಿನ ರಾಜೀವ ಎನ್ನುವವರೊಂದಿಗೆ ಕಾಸರಗೋಡು ದೇಗುಲದಲ್ಲಿ ಮದುವೆಯಾಗಿದ್ದು, ಅದಾಗಿ ಎರಡೂವರೆ ತಿಂಗಳ ನಂತರ ವಿದೇಶಕ್ಕೆ ಉದ್ಯೋಗಕ್ಕೆ ಹೋಗುವ ವಿಚಾರದಲ್ಲಿ ವೈಮನಸ್ಸು ಉಂಟಾಗಿದ್ದು, ಅದೇ ವಿಚಾರಕ್ಕೆ ಈ ನಾಲ್ವರು ಆರೋಪಿಗಳು ಮಾನಸಿಕ ಹಾಗೂ ದೈಹಿಕ ಹಿಂಸೆ ನೀಡಿ, ವರದಕ್ಷಿಣೆ ತರಲಿಲ್ಲವೆಂದು ಕಿರುಕುಳ ನೀಡಿದ್ದಾರೆ. ಆ.12ರ ರಾತ್ರಿ ಅತ್ತಿಗೆ ಉಷಾ ತನ್ನ ಮೇಲೆ ಹಲ್ಲೆ ಮಾಡಿರುವುದಾಗಿ ಸುಮಲತಾ ತಿಳಿಸಿದ್ದಾರೆ.

ಗಂಗೊಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.