ದಾವಣಗೆರೆ ಜಿಲ್ಲೆಯಲ್ಲಿಂದು ಎಂಟು ಮಂದಿಗೆ ಕೋವಿಡ್‌ ಸೋಂಕು ದೃಢ

Team Udayavani, Jul 2, 2020, 8:45 PM IST

ದಾವಣಗೆರೆ: ಜಿಲ್ಲೆಯಲ್ಲಿ ಗುರುವಾರ ಎಂಟು ಜನರಲ್ಲಿ ಕೋವಿಡ್‌-19 ಸೋಂಕು ಕಾಣಿಸಿಕೊಂಡಿದೆ. ತೀವ್ರ ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದ 17 ವರ್ಷದ ಯುವಕ (ರೋಗಿ ನಂಬರ್‌ 16668) ಸೋಂಕು ಕಾಣಿಸಿಕೊಂಡಿದೆ.

ಬೆಂಗಳೂರಿನಿಂದ ವಾಪಾಸ್ಸಾಗಿರುವ 32 ವರ್ಷದ ವ್ಯಕ್ತಿ (ರೋಗಿ ನಂಬರ್‌ 16669) ಸೋಂಕಿಗೆ ಒಳಗಾಗಿದ್ದಾರೆ. ರೋಗಿ ನಂಬರ್‌ 11158 ರ ಸಂಪರ್ಕದಿಂದ 35 ವರ್ಷದ ವ್ಯಕ್ತಿ (ರೋಗಿ ನಂಬರ್‌ 16670) ಸೋಂಕಿಗೆ ತುತ್ತಾಗಿದ್ದಾರೆ.

ರೋಗಿ ನಂಬರ್‌ 9896 ರ ಸಂಪರ್ಕದಿಂದ 40 ವರ್ಷದ ವ್ಯಕ್ತಿ (ರೋಗಿ ನಂಬರ್‌ 16671), 19 ವರ್ಷದ ಯುವಕ (ರೋಗಿ ನಂಬರ್‌ 16672) ಸೋಂಕು ಕಾಣಿಸಿಕೊಂಡಿದೆ.

24 ವರ್ಷದ ಯುವಕ (ರೋಗಿ ನಂಬರ್‌ 16673), 60 ವರ್ಷದ ವೃದ್ಧ (ರೋಗಿ ನಂಬರ್‌ 16674), 80 ವರ್ಷದ ವೃದ್ಧ (ರೋಗಿ ನಂಬರ್‌ 16675)ನಲ್ಲಿ ಕಾಣಿಸಿಕೊಂಡಿರುವ ಸೋಂಕಿನ ಮೂಲ ಪತ್ತೆ ಹಚ್ಚಲಾಗುತ್ತಿದೆ.

ಕೋವಿಡ್‌ದಿಂದ ಗುಣಮುಖರಾದ ರೋಗಿ ನಂಬರ್‌ 9890, 9891,9895,9896,11157,11158 ಗುರುವಾರ ಜಿಲ್ಲಾ ಕೋವಿಡ್‌ ಆಸ್ಪತ್ರೆಯಿಂದ ಬಿಡುಗಡೆಯಾದರು.

ಜಿಲ್ಲೆಯಲ್ಲಿ ಒಟ್ಟು 333 ಪ್ರಕರಣಗಳಿದ್ದು, ಇದುವರೆಗೆ 272 ಜನರು ಬಿಡುಗಡೆಯಾಗಿದ್ದಾರೆ.ಎಂಟು ಜನರು ಮೃತಪಟ್ಟಿದ್ದು, 53 ಸಕ್ರಿಯ ಪ್ರಕರಣಗಳಿವೆ.