Yelimale ಶಾಲೆಯ ತಡೆಗೋಡೆ ಕುಸಿತ; 20ಕ್ಕೂ ಅಧಿಕ ಕೋಳಿಗಳ ಸಾವು

Team Udayavani, May 22, 2024, 12:08 AM IST

ಗುತ್ತಿಗಾರು: ಎಲಿಮಲೆ ಸರಕಾರಿ ಪ್ರೌಢಶಾಲೆಯ ಮೈದಾನದ ಒಂದು ಬದಿಯ ತಡೆಗೋಡೆ ಕುಸಿದು ವಿದ್ಯುತ್‌ ಕಂಬ ಧರಾಶಾಯಿಯಾದುದಲ್ಲದೆ ಮನೆ ಹಾಗೂ ಕೋಳಿ ಶೆಡ್‌ಗೆ ಹಾನಿಯಾಗಿ 20ಕ್ಕೂ ಅಧಿಕ ಕೋಳಿಗಳು ಮೃತಪಟ್ಟ ಘಟನೆ ಮಂಗಳವಾರ ಸಂಭವಿಸಿದೆ. ಮನೆಮಂದಿ ಅಪಾಯದಿಂದ ಪಾರಾಗಿದ್ದಾರೆ.

ಶಾಲೆಯ ಮೈದಾನದ ಒಂದು ಬದಿಯಲ್ಲಿ ಜಗದೀಶ ಅಂಬೆಕಲ್ಲು ಅವರ ಮನೆ ಇದ್ದು, ಆ ಭಾಗದ ತಡೆಗೋಡೆಯನ್ನು ಕೆಲವು ದಿನಗಳ ಹಿಂದೆ ಏರಿಸಿ ಮಣ್ಣು ತುಂಬಿಸ ಲಾಗಿತ್ತು. ಸೋಮವಾರ ಬೆಳಗ್ಗೆ 10ರ ಸುಮಾರಿಗೆ ತಡೆಗೋಡೆ ಕುಸಿದು ವಿದ್ಯುತ್‌ ಕಂಬ ಧರೆ ಗುರುಳಿತು. ಜಗದೀಶ ಅವರ ಮನೆಗೆ ಹಾನಿಯಾಗಿದೆ. ಅವರು ಸಮೀಪ ದಲ್ಲೇ ಶೆಡ್‌ ನಿರ್ಮಿಸಿ ಊರ ಕೋಳಿಗಳನ್ನು ಸಾಕುತ್ತಿದ್ದು, 20ಕ್ಕೂ ಅಧಿಕ ಕೋಳಿಗಳು ಮಣ್ಣಿನಡಿಗೆ ಸಿಲುಕಿ ಸಾವಿಗೀಡಾದವು. 20 ಸಾವಿರ ರೂ.ಗಳಿಗೂ ಅಧಿಕ ನಷ್ಟ ಸಂಭವಿಸಿರು ವುದಾಗಿ ಜಗದೀಶ ತಿಳಿಸಿದ್ದಾರೆ.