Pakistan: ಪಾಕ್‌ ರಾಯಭಾರ: ಪ್ರಪ್ರಥಮ ಬಾರಿಗೆ ಸ್ತ್ರೀ ಸಾರಥ್ಯ

Team Udayavani, Aug 30, 2023, 12:39 AM IST

ಇಸ್ಲಾಮಾಬಾದ್‌: ಪಾಕಿಸ್ಥಾನದಲ್ಲಿರುವ ಭಾರತೀಯ ಹೈ ಕಮಿಷನ್‌ನ ಉಸ್ತುವಾರಿ (ಚಾರ್ಜ್‌ ಡಿ ಅಫೇರ್) ಆಗಿ ಗೀತಿಕಾ ಶ್ರೀವಾಸ್ತವ ನೇಮಕಗೊಂಡಿದ್ದಾರೆ. ಪಾಕ್‌ ಹೈ ಕಮಿಷನನ್ನು ಮುನ್ನಡೆಸ ಲಿರುವ ಮೊದಲ ಮಹಿಳೆ ಎಂಬ ಖ್ಯಾತಿಗೆ ಗೀತಿಕಾ ಪಾತ್ರರಾಗಿದ್ದಾರೆ.

ಪ್ರಸ್ತುತ ವಿದೇಶಾಂಗ ಸಚಿವಾಲಯದಲ್ಲಿ ಜಂಟಿ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಅವರು ಶೀಘ್ರವೇ ಹೊಸ ಹುದ್ದೆಯನ್ನು ಅಲಂಕರಿಸಲಿದ್ದಾರೆ. ಈ ಹಿಂದೆ ಹೈ ಕಮಿಷನ್‌ನ ಉಸ್ತುವಾರಿಯಾಗಿದ್ದ ಡಾ| ಎಂ. ಸುರೇಶ್‌ ಕುಮಾರ್‌ ಅವರು ಭಾರತಕ್ಕೆ ಹಿಂದಿರುಗಲಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ರಾಯಭಾರಿಗಳ ಹಾಗೂ ಹೈ ಕಮಿಷನರ್‌ಗಳ ಅನುಪಸ್ಥಿತಿಯಲ್ಲಿ ವಿದೇಶಗಳಲ್ಲಿರುವ ರಾಯಭಾರ ಕಚೇರಿಗಳನ್ನು ಮುನ್ನಡೆಸುವ ಗುರುತರ ಜವಾಬ್ದಾರಿ ಈ ಉಸ್ತುವಾರಿ ಹುದ್ದೆಗೆ ಇರಲಿದೆ. ಇಸ್ಲಾಮಾಬಾದ್‌ ಹೈಕಮಿಷನ್‌ನಲ್ಲಿ 2019ರಿಂದ ಹೈ ಕಮಿಷನರ್‌ ಹುದ್ದೆ ಖಾಲಿ ಇದ್ದು, ಉಸ್ತುವಾರಿಗಳೇ ಅದನ್ನು ಮುನ್ನಡೆಸುತ್ತಿದ್ದಾರೆ.