Mangaluru;ಗಿಫ್ಟ್ ಪಾರ್ಸೆಲ್‌ ನೆಪದಲ್ಲಿ ವಂಚನೆ; ಪ್ರಕರಣ ದಾಖಲು 

Team Udayavani, Jun 20, 2023, 6:55 AM IST

ಮಂಗಳೂರು: ಗಿಫ್ಟ್ ಪಾರ್ಸೆಲ್‌ ಬಂದಿರುವುದಾಗಿ ಹೇಳಿ ಹಣ ಪಡೆದು ವಂಚಿಸಿರುವ ಬಗ್ಗೆ ಮಂಗಳೂರಿನ ಸೆನ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಜೂ. 15ರಂದು ದೂರುದಾರರಿಗೆ ಗಿಫ್ಟ್ ಪಾರ್ಸೆಲ್‌ ಬಂದಿರುವುದಾಗಿ ಇನ್‌ಸ್ಟಾಗ್ರಾಂನಲ್ಲಿ ಮಾಹಿತಿ ಬಂದಿತ್ತು. ಮರುದಿನ ಬ್ರಾಡ್‌ವೇ ಶಿಪ್ಪಿಂಗ್‌ ಕಂಪೆನಿ ಹೆಸರಿನಲ್ಲಿ 447760437507 ನಂಬರ್‌ನಿಂದ ವಾಟ್ಸ್‌ ಆ್ಯಪ್‌ ಸಂದೇಶ ಬಂದಿತ್ತು. ಆ ಸಂದೇಶದಲ್ಲಿ ಪಾರ್ಸೆಲ್‌ ಬಂದಿರುವ ಬಗ್ಗೆ ಹೇಳಿ ಮುಂದಿನ ಪಾರ್ಸೆಲ್‌ ಪ್ರೊಸೆಸ್‌ಗಾಗಿ 45,000 ರೂ. ನೀಡಲು ತಿಳಿಸಲಾಗಿತ್ತು.

ಅದರಂತೆ ದೂರುದಾರರು ಹಣ ವರ್ಗಾಯಿಸಿದ್ದರು. ಆ ಬಳಿಕ 447432476463 ನಂಬರ್‌ನಿಂದ ಸಂದೇಶಗಳನ್ನು ಕಳುಹಿಸಿದ ಇನ್ನೋರ್ವ ಅಪರಿಚಿತ ವ್ಯಕ್ತಿ “ಉಡುಗೊರೆ ಜತೆಗೆ ಹಣವನ್ನು ಇಟ್ಟು ನಿಯಮ ಉಲ್ಲಂಘನೆಯಾಗಿದೆ’ ಎಂದು ಬೆದರಿಸಿ 1.61 ಲ.ರೂ.ಗಳನ್ನು ನೀಡಬೇಕೆಂದು ಒತ್ತಾಯಿಸಿದ್ದ.

ಈ ಬಗ್ಗೆ ದೂರುದಾರರು ವಂಚನೆಯಾಗಿರುವ ಕುರಿತು ದೂರು ನೀಡಿದ್ದಾರೆ. ಸಂದೇಶ ಬಂದಿದ್ದ ಎರಡೂ ಸಂಖ್ಯೆಯೂ 12 ಡಿಜಿಟ್‌ ಅನ್ನು ಹೊಂದಿತ್ತು.