ಸರ್ಕಾರದಿಂದ ಕಲ್ಯಾಣ ಭಾಗ್ಯ! ನವಜೋಡಿಗೆ ಸರಕಾರದಿಂದ ಸಿಗುವ ಸೌಲಭ್ಯ, ಷರತ್ತುಗಳೇನು?

Team Udayavani, Oct 31, 2019, 1:21 PM IST

ಬೆಂಗಳೂರು: ರಾಜ್ಯದಲ್ಲಿ ಕ್ಷೀರ ಭಾಗ್ಯ, ಅನ್ನ ಭಾಗ್ಯ ಆಯ್ತು ಇದೀಗ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರಕಾರ ಸರಕಾರಿ ಮದುವೆ ಭಾಗ್ಯ ಘೋಷಿಸಿದೆ.

ಮುಜರಾಯಿ ಖಾತೆ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಗುರುವಾರ ವಿಧಾನಸೌಧದಲ್ಲಿ ಪತ್ರಿಕಾಗೋಷ್ಠಿ ನಡೆಸಿ, 2020ರ ಏಪ್ರಿಲ್ 26ರಂದು ಹಾಗೂ ಮೇ 24ರಂದು ಸರಕಾರಿ ಸಾಮೂಹಿಕ ವಿವಾಹ ನಡೆಯಲಿದೆ ಎಂದು ತಿಳಿಸಿದರು.

ಉಚಿತ ಮದುವೆಯಾಗಬೇಕಾದರೆ ಷರತ್ತುಗಳೇನು?

*ವಧು, ವರನ ಪೋಷಕರ ಜತೆಯಲ್ಲಿಯೇ ಮದುವೆ ನಡೆಯಬೇಕು

*ವಧು, ವರನ ಪೋಷಕರು ಒಪ್ಪಿಗೆ ಸೂಚಿಸಿದ್ರೆ ಅಂತರ್ಜಾತಿ ವಿವಾಹ ಆಗಬಹುದು

*ಹುಡುಗ, ಹುಡುಗಿಯ ಪೋಷಕರ ಒಪ್ಪಿಗೆ ಅಗತ್ಯ

. ಪರೋಕ್ಷವಾಗಿ ಪ್ರೀತಿಸಿ ಮದುವೆಯಾಗುವವರಿಗೆ ಅವಕಾಶ ಇಲ್ಲ

*ಯಾವುದೇ ಕಾರಣಕ್ಕೂ ಎರಡನೇ ಮದುವೆಗೆ ಅವಕಾಶ ಇಲ್ಲ.

*ಕುಟುಂಬದ ಸದಸ್ಯರೊಂದಿಗೆ ಇರುವ ಬಗ್ಗೆ ದಾಖಲೆ ಕೊಡಬೇಕು

*ಸ್ಥಳದಲ್ಲಿಯೇ ಮದುವೆ ನೋಂದಣಿ ಪ್ರಕ್ರಿಯೆ ನಡೆಯುತ್ತೆ

ನವಜೋಡಿಗೆ ಸರಕಾರದಿಂದ ಸಿಗುವ ಸೌಲಭ್ಯಗಳೇನು?

*ವರನಿಗೆ 10 ಸಾವಿರ, ವಧುವಿಗೆ 15 ಸಾವಿರ(ಸೀರೆ) ರೂಪಾಯಿ ಅನುದಾನ

*ವಧುವಿಗೆ 40 ಸಾವಿರ ರೂ. ಮೌಲ್ಯದ 8 ಗ್ರಾಂ ಚಿನ್ನದ ತಾಳಿ

*ಒಂದು ಜೋಡಿಗೆ ಒಟ್ಟು 65 ಸಾವಿರ ರೂಪಾಯಿ ಸರಕಾರದ ವತಿಯಿಂದ ಖರ್ಚು

ಎಲ್ಲೆಲ್ಲಿ ಸಾಮೂಹಿಕ ವಿವಾಹ:

ಬೆಂಗಳೂರಿನ ಬನಶಂಕರಿ ದೇವಾಲಯ

ಕೊಲ್ಲೂರು ಮೂಕಾಂಬಿಕಾ ದೇವಸ್ಥಾನ

ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನ ಸೇರಿದಂತೆ ಒಟ್ಟು ನೂರು ದೇವಸ್ಥಾನಗಳಲ್ಲಿ ಸಾಮೂಹಿಕ ವಿವಾಹ ಕಾರ್ಯಕ್ರಮ ನಡೆಯಲಿದೆ ಎಂದು ಕೋಟ ವಿವರಿಸಿದ್ದಾರೆ.