Gangolli: ಕ್ರಿಮಿನಲ್‌ ಹಿನ್ನೆಲೆ: ಮೂವರ ಮೇಲೆ ಪ್ರಕರಣ ದಾಖಲು

Team Udayavani, Nov 25, 2024, 3:08 AM IST

ಗಂಗೊಳ್ಳಿ: ಗ್ರಾಮ ಪಂಚಾಯತ್‌ ಚುನಾವಣೆ ಘೋಷಣೆಯಾಗಿದ್ದು, ಕ್ರಿಮಿನಲ್‌ ಹಿನ್ನೆಲೆಯವರು ಕೋಮು ಸೂಕ್ಷ್ಮ ಪ್ರದೇಶದಲ್ಲಿ ಶಾಂತಿಭಂಗ ಮಾಡಬಹುದು ಎಂಬ ಕಾರಣದಿಂದ ಮೂವರ ಮೇಲೆ ಕೇಸು ದಾಖಲಿಸಲಾಗಿದೆ. ಅಬ್ಬು ಮೊಹಮ್ಮದ್‌, ತೌಫಿಕ್‌ (38) ಹಾಗೂ ನವಾಜ್‌ (33) ಈ ಮೂವರ ಮೇಲೆ ಶಾಂತಿ ಸುವ್ಯವಸ್ಥೆ ಕಾಪಾಡುವ ಹಿತದೃಷ್ಟಿಯಿಂದ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಮರಳು ಸಾಗಾಟ; ಪ್ರಕರಣ ದಾಖಲು
ನೂಜಾಡಿ ಗ್ರಾಮದ ಬಗ್ವಾಡಿ ಮಹಿಷ ಮರ್ದಿನಿ ದೇವಸ್ಥಾನದ ಬಳಿ ರಸ್ತೆಯಲ್ಲಿ ಟಿಪ್ಪರ್‌ನಲ್ಲಿ ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿರುವುದನ್ನು ಎಸ್‌ಐ ಹರೀಶ್‌ ಪತ್ತೆ ಹಚ್ಚಿ ಕೇಸು ದಾಖಲಿಸಿಕೊಂಡಿದ್ದಾರೆ. ಪೊಲೀಸರನ್ನು ನೋಡಿ ಚಾಲಕ ಓಡಲು ಪ್ರಾರಂಭಿಸಿದ್ದು, ಚಾಲಕನನ್ನು ರಕ್ಷತ್‌ ಎಂದು ಗುರುತಿಸಲಾಗಿದೆ. ಅಂದಾಜು 7,500 ರೂ. ಮೌಲ್ಯದ 1.5 ಯುನಿಟ್‌ ಮರಳನ್ನು ವಶಪಡಿಸಿಕೊಳ್ಳಲಾಗಿದೆ.