ಶ್ರೀನಾಥ್‌, ಹರ್ಭಜನ್‌ಗೆ ಪ್ರತಿಷ್ಠಿತ ಎಂಸಿಸಿ ಗೌರವ

Team Udayavani, Oct 20, 2021, 5:36 AM IST

ಲಂಡನ್‌: ಭಾರತ ಕಂಡ ಖ್ಯಾತ ಕ್ರಿಕೆಟಿಗರಾದ ಜಾವಗಲ್‌ ಶ್ರೀನಾಥ್‌ ಮತ್ತು ಹರ್ಭಜನ್‌ ಸಿಂಗ್‌ ಅವರಿಗೆ ಇಂಗ್ಲೆಂಡಿನ ಪ್ರತಿಷ್ಠಿತ ಮೆರಿಲ್‌ಬಾನ್‌ ಕ್ರಿಕೆಟ್‌ ಕ್ಲಬ್‌ (ಎಂಸಿಸಿ) ಜೀವಮಾನಾವಧಿಯ ಗೌರವ ಸದಸ್ಯತ್ವ ನೀಡಿದೆ. ಸೋಮವಾರ ಎಂಸಿಸಿ ಬಿಡುಗಡೆಗೊಳಿಸಿದ ಈ ಯಾದಿಯಲ್ಲಿ ಒಟ್ಟು 18 ಕ್ರಿಕೆಟಿಗರಿದ್ದಾರೆ.

“ವಿಶ್ವದ ಶ್ರೇಷ್ಠ ಕ್ರಿಕೆಟಿಗರಿಗೆ ನಮ್ಮ ಕ್ಲಬ್‌ನ ಗೌರವ ಸದಸ್ಯತ್ವ ನೀಡಿ ಗೌರವಿ ಸಲು ಹೆಮ್ಮೆಯಾಗುತ್ತಿದೆ. ನಮ್ಮ ಈ ಯಾತ್ರೆಯಲ್ಲಿ ಹೊಸತಾಗಿ 18 ಮಂದಿ ಸೇರಿಕೊಂಡಿದ್ದಾರೆ. ಇವರೆಲ್ಲರಿಗೂ ಸ್ವಾಗತ’ ಎಂದು ಎಂಸಿಸಿ ತಿಳಿಸಿದೆ.

ಉಳಿದ ಸದಸ್ಯರು…
18 ಸದಸ್ಯರ ಯಾದಿಯ ಉಳಿದ ಆಟಗಾರರೆಂದರೆ ಇಂಗ್ಲೆಂಡಿನ ಅಲಸ್ಟೇರ್‌ ಕುಕ್‌, ಮಾರ್ಕಸ್‌ ಟ್ರೆಸ್ಕೋಥಿಕ್‌, ಇಯಾನ್‌ ಬೆಲ್‌, ಸಾರಾ ಟೇಲರ್‌; ದಕ್ಷಿಣ ಆಫ್ರಿಕಾದ ಹರ್ಶಲ್‌ ಗಿಬ್ಸ್, ಹಾಶಿಮ್‌ ಆಮ್ಲ, ಮಾರ್ನೆ ಮಾರ್ಕೆಲ್‌, ಜಾಕಸ್‌ ಕ್ಯಾಲಿಸ್‌; ವೆಸ್ಟ್‌ ಇಂಡೀಸ್‌ನ ಇಯಾನ್‌ ಬಿಶಪ್‌, ಶಿವನಾರಾಯಣ್‌ ಚಂದರ್‌ಪಾಲ್‌, ರಾಮ್‌ನರೇಶ್‌ ಸರವಣ್‌; ಆಸ್ಟ್ರೇಲಿಯದ ಡೆಮೀನ್‌ ಮಾರ್ಟಿನ್‌, ಅಲೆಕ್ಸ್‌ ಬ್ಲ್ಯಾಕ್‌ವೆಲ್‌; ಶ್ರೀಲಂಕಾದ ರಂಗನ ಹೆರಾತ್‌; ಜಿಂಬಾಬ್ವೆಯ ಗ್ರ್ಯಾಂಟ್‌ ಫ್ಲವರ್‌ ಮತ್ತು ನ್ಯೂಜಿಲ್ಯಾಂಡಿನ ಸಾರಾ ಮೆಕ್‌ಗ್ಲಾಶನ್‌.

ಇದನ್ನೂ ಓದಿ:ಬಾಂಗ್ಲಾ ಹಿಂದುಗಳ ರಕ್ಷಣೆಗೆ ಸಿಎಎ ಬೇಕು: ಕಾಂಗ್ರೆಸ್‌ ನಾಯಕ ಮಿಲಿಂದ್‌ ದೇವ್ರಾ!