Mangaluru ನಿರ್ಮಲ ಭಾರತ ಟ್ರಸ್ಟ್‌ಗೆ ಭೂ ಮಂಜೂರಾತಿಗೆ ಹೈಕೋರ್ಟ್‌ ತಡೆ

Team Udayavani, Aug 24, 2024, 12:08 AM IST

ಮಂಗಳೂರು: ಮಂಗಳೂರು ವಿಶ್ವವಿದ್ಯಾನಿಲಯದ ಕ್ಯಾಂಪಸ್‌ನೊಳಗೆ ನಿರ್ಮಲ ಭಾರತ ಚಾರಿಟೆಬಲ್‌ ಟ್ರಸ್ಟಿಗೆ 2022ರಲ್ಲಿ ಮಂಜೂರಾಗಿದ್ದ 2 ಎಕ್ರೆ ಜಮೀನಿಗೆ ಹೈಕೋರ್ಟ್‌ ತಡೆಯಾಜ್ಞೆ ನೀಡಿದೆ.

1982ರಲ್ಲಿ ಮಂಗಳೂರು ವಿಶ್ವವಿದ್ಯಾನಿಲಯಕ್ಕೆ 8.40 ಎಕ್ರೆ ಜಮೀನು ಮಂಜೂರಾಗಿದ್ದು, ಅದೇ ಜಾಗದಲ್ಲಿ ಈಗ ನಿರ್ಮಲ ಭಾರತ ಚಾರಿಟೆಬಲ್‌ ಟ್ರಸ್ಟ್‌ಗೆ 2 ಎಕ್ರೆ ಜಮೀನು ಮಂಜೂರು ಮಾಡಿಸಿರುವುದು ಕಾನೂನುಬಾಹಿರ ಎಂದು ವಿಶ್ವವಿದ್ಯಾನಿಲಯ ಹೈಕೋರ್ಟ್‌ ಮೆಟ್ಟಲೇರಿತ್ತು.

ವಾದವನ್ನು ಆಲಿಸಿದ ಉಚ್ಚ ನ್ಯಾಯಾಲಯದ ನ್ಯಾ| ಜಸ್ಟಿಸ್‌ ಸಚಿನ್‌ ಮಗದಮ್‌ ಅವರು ಟ್ರಸ್ಟಿಗೆ ಮಾಡಿರುವ ಮಂಜೂರಾತಿಗೆ ತಡೆಯಾಜ್ಞೆ ನೀಡಿದ್ದಾರೆ. ವಿವಿಯ ಪರವಾಗಿ ಕರ್ನಾಟಕ ಉಚ್ಚ ನ್ಯಾಯಾಲಯ ನ್ಯಾಯವಾದಿ ಪಿ.ಕರುಣಾಕರ ಪಾಂಬೇಲು ಹಾಗೂ ಪ್ರದೀಪ್‌ ಬೊಳ್ಳೂರು, ಶ್ರೀಕಾಂತ್‌ ಆಚಳ್ಳಿ ಗುತ್ತಿಗಾರು, ಆದರ್ಶ್‌ ಗೌಡ ಕಟ್ಟ ವಾದಿಸಿದರು.