Ram Mandir: ಜನವರಿ ಮೂರನೇ ವಾರದಲ್ಲಿ ರಾಮಮಂದಿರ ಉದ್ಘಾಟನೆ

Team Udayavani, Sep 10, 2023, 12:34 AM IST

ಅಯೋಧ್ಯೆ: ಅಯೋಧ್ಯೆಯಲ್ಲಿ ನಿರ್ಮಾಣಗೊಳ್ಳು ತ್ತಿರುವ ಭವ್ಯ ಶ್ರೀ ರಾಮಮಂದಿರ 2024ರ ಜನವರಿ 21ರಿಂದ 24ರ ನಡುವೆ ಉದ್ಘಾಟನೆಗೊಳ್ಳಲಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಮಂದಿರವನ್ನು ಲೋಕಾರ್ಪಣೆ ಮಾಡಲಿದ್ದಾರೆ ಎಂದು ಶ್ರೀ ರಾಮಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ ತಿಳಿಸಿದೆ.

2024ರ ಜನವರಿ ಮೂರನೇ ವಾರದಲ್ಲಿ ಖಂಡಿತವಾಗಿ ರಾಮಮಂದಿರ ಉದ್ಘಾಟನ ಕಾರ್ಯ ನೆರವೇರಲಿದೆ. ಜ. 21ರಿಂದ 23ರ ನಡುವೆ ಶ್ರೇಯಸ್ಕರವಾದ ಮಹೂರ್ತಕ್ಕಾಗಿ ಹಲವು ಸಂತರನ್ನು ಮತ್ತು ಖ್ಯಾತ ಜೋತಿಷಿಗಳನ್ನು ಸಂಪರ್ಕಿಸಲಾಗಿದೆ. ದಿನಾಂಕ ನಿಗದಿಯಾಗುತ್ತಿದ್ದಂತೆ ಈ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಮಾಹಿತಿ ನೀಡಲಾಗುವುದು ಎಂದು ಶ್ರೀ ರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್‌ನ ಸ್ವಾಮಿ ಗೋವಿಂದ್‌ ಗಿರಿ ಮಾಹಿತಿ ನೀಡಿದ್ದಾರೆ.