Chinese: ಭಾರತ ದ್ವೇಷಿ ಚೀನೀ ಖಾತೆಗಳು ಡಿಲೀಟ್‌

Team Udayavani, Dec 6, 2023, 12:22 AM IST

ಹೊಸದಿಲ್ಲಿ: ಭಾರತದ ವಿರುದ್ಧ ಸದಾ ಒಂದಿಲ್ಲೊಂದು ಕುತಂತ್ರ ರೂಪಿಸುವ ಚೀನ ಇದೀಗ ಜಾಲತಾಣಗಳನ್ನೂ ಅದಕ್ಕಾಗಿ ಬಳಕೆ ಮಾಡಿಕೊಳ್ಳುತ್ತಿದೆ. ಅದರಲ್ಲೂ ಫೇಸ್‌ಬುಕ್‌ನಲ್ಲಿ ಚೀನದಿಂದಲೇ ನಕಲಿ ಖಾತೆಗಳನ್ನು ಸೃಷ್ಟಿಸಿ, ಆ ಖಾತೆಗಳು ಭಾರತೀ ಯರದ್ದು ಎನ್ನುವಂತೆ ಬಿಂಬಿಸಿ ಸರಕಾರದ ವಿರುದ್ಧ, ದೇಶದ ಪರಿಸ್ಥಿತಿಯ ಬಗ್ಗೆ ವದಂತಿಗಳನ್ನು ಹಬ್ಬಿಸಲು ಬಳಸಲಾಗುತ್ತಿದೆ! ಹೀಗೆಂದು ಸ್ವತಃ ಫೇಸ್‌ಬುಕ್‌ನ ಮಾತೃಸಂಸ್ಥೆ ಮೆಟಾ ತಿಳಿಸಿದೆ.

ಮೆಟಾದ ಇತ್ತೀಚೆಗಿನ ವರದಿಗಳ ಪ್ರಕಾರ ಭಾರತೀಯರ ಹೆಸರಿನಲ್ಲಿ ಚೀನದಿಂದ ಸೃಷ್ಟಿಸುತ್ತಿರುವ ನಕಲಿ ಖಾತೆಗಳ ಸಂಖ್ಯೆ ಗಣನೀಯವಾಗಿ ಹೆಚ್ಚಳವಾಗಿದೆ. ಅವುಗಳಲ್ಲಿ ಅನೇಕ ಖಾತೆಗಳು ವಕೀಲರು, ಪತ್ರಕರ್ತರು, ಮಾನವ ಹಕ್ಕುಗಳ ಹೋರಾಟಗಾರರು ಎನ್ನುವಂತೆ ಬಿಂಬಿಸಿಕೊಂಡಿವೆ. ಅರುಣಾಚಲ ಪ್ರದೇಶದ ನಿವಾಸಿಗಳು ಎನ್ನುವಂತೆ ಸೃಷ್ಟಿಸಿಕೊಂಡಿರುವ ಖಾತೆಗಳಲ್ಲಿ ಇಂಗ್ಲಿಷ್‌ ಮತ್ತು ಹಿಂದಿ ಭಾಷೆಗಳಲ್ಲಿ ಸ್ಥಳೀಯ ಸುದ್ದಿಗಳು, ಸಂಸ್ಕೃತಿ, ಕ್ರೀಡೆ, ಪ್ರವಾಸದ ಕುರಿತು ವಿಷಯಗಳನ್ನು ಪೋಸ್ಟ್‌ ಮಾಡಲಾಗಿದೆ. ಭಾರತೀಯ ಸೇನೆಯನ್ನು ಶ್ಲಾ ಸುತ್ತಲೇ ಸರಕಾರವನ್ನು ವಿರೋಧಿಸುವ, ಈಶಾನ್ಯ ರಾಜ್ಯಗಳ ಸಂಘರ್ಷಕ್ಕೆ ಸರಕಾರವನ್ನು ಹೊಣೆ ಮಾಡುವಂಥ ಪೋಸ್ಟ್‌ಗಳನ್ನು ಹಾಕಲಾಗಿದೆ.