Manipal ಎಂಕಾಪ್ಸ್‌ ಸಿಜಿಎಂಪಿಗೆ ಇಂಡಿಯಾ ಫಾರ್ಮಾ ಪ್ರಶಸ್ತಿ

Team Udayavani, Dec 3, 2023, 12:06 AM IST

ಮಣಿಪಾಲ: ಮಾಹೆ ವಿಶ್ವವಿದ್ಯಾನಿಲಯದ ಮಣಿಪಾಲ ಕಾಲೇಜ್‌ ಆಫ್ ಫಾರ್ಮಾಸುಟಿಕಲ್‌ ಸೈನ್ಸಸ್‌ (ಎಂಕಾಪ್ಸ್‌)ನಲ್ಲಿರುವ ಸಿಜಿಎಂಪಿ ಕೇಂದ್ರವು ಗುಣಮಟ್ಟದ ಶ್ರೇಷ್ಠತೆಗಾಗಿ ಗ್ರೇಟರ್‌ ನೋಯ್ಡಾದ ಎಕ್ಸ್‌ಪೋ ಸೆಂಟರ್‌ನಲ್ಲಿ ನಡೆದ ಸಿಪಿಎಚ್‌- ಪಿಎಂಇಸಿ ಕಾರ್ಯಕ್ರಮದಲ್ಲಿ ಪ್ರತಿಷ್ಠಿತ “ಇಂಡಿಯಾ ಫಾರ್ಮಾ ಅವಾರ್ಡ್‌-
2023′ ಪಡೆದಿದೆ.

ಇನಾ#ರ್ಮಾ ಮಾರ್ಕೆಟ್ಸ್‌ನ ಹಿರಿಯ ಉಪಾಧ್ಯಕ್ಷ ಕ್ರಿಸ್ಟೋಫ‌ರ್‌ ಈವ್‌ ಅವರಿಂದ ಕೇಂದ್ರದ ಸಂಯೋಜಕ ಡಾ| ಗಿರೀಶ್‌ ಪೈ ಕೆ., ಸಹ ಸಂಯೋಜಕ ಡಾ| ಮುದ್ದುಕೃಷ್ಣ ಬಿ.ಎಸ್‌. ಪ್ರಶಸ್ತಿ ಸ್ವೀಕರಿಸಿದರು.

ಕುಲಪತಿ ಲೆ| ಜ| ಡಾ| ಎಂ.ಡಿ. ವೆಂಕಟೇಶ್‌ ಮಾತನಾಡಿ, ಸಿಜಿಎಂಪಿ ಕಾರ್ಯ ದಕ್ಷತೆ ಹಾಗೂ ಬದ್ಧತೆಗೆ ಸಿಕ್ಕ ಮನ್ನಣೆ ಇದಾಗಿದೆ. ಔಷಧೀಯ ವಲಯದಲ್ಲಿ ಇನ್ನಷ್ಟು ಸಾಧನೆಗೆ ಪ್ರೇರಣೆಯಾಗಲಿದೆ ಎಂದರು.

ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಕೇಂದ್ರದ ಸಂಯೋಜಕ ಡಾ| ಗಿರೀಶ್‌ ಪೈ ಕೆ., ಸಹ ಸಂಯೋಜಕ ಡಾ| ಮುದ್ದುಕೃಷ್ಣ ಬಿ.ಎಸ್‌. ಅವರು ಸಿಜಿಎಂಪಿಯ ಬಗ್ಗೆ ಅಗತ್ಯ ಮಾಹಿತಿ ನೀಡಿದರು. ಇತ್ತೀಚೆಗೆ ಮಾಹೆ ವಿ.ವಿ.ಯಿಂದ ನಡೆದ ರಾಷ್ಟ್ರೀಯ ಸಿಜಿಎಂಪಿ ದಿನದ ಆಚರಣೆ, ಉಪಕ್ರಮ ಹಾಗೂ ಕಲ್ಪನೆಯನ್ನು ವಿವರಿಸಿದ್ದಾರೆ.