ಇಂದ್ರಾಳಿ ರೈಲ್ವೇ ಸೇತುವೆ ಕಾಮಗಾರಿ ಆರಂಭ

Team Udayavani, Feb 25, 2021, 5:55 AM IST

ಉಡುಪಿ: ಇಂದ್ರಾಳಿ ರೈಲ್ವೇ ಸೇತುವೆ ನಿರ್ಮಾಣಕ್ಕೆ ರೈಲ್ವೇ ಸುರಕ್ಷತಾ ಆಯುಕ್ತರು (ಸಿಆರ್‌ ಎಸ್‌) ಹೆದ್ದಾರಿ ಇಲಾಖೆಯವರಿಗೆ ಅನುಮತಿ ನೀಡಿದ್ದು, ಸೇತುವೆ ನಿರ್ಮಾಣಕ್ಕೆ ಸಂಬಂಧಿಸಿದ ಪ್ರಕ್ರಿಯೆ ಆರಂಭಗೊಂಡಿದೆ.

ಇಂದ್ರಾಳಿ ಸೇತುವೆ ಬಳಿಯ ಪೆಟ್ರೋಲ್‌ ಬಂಕ್‌ ಎದುರಿನ ರಸ್ತೆಯಲ್ಲಿ ವಾಹನ ಚಲಿಸಲು ಅವಕಾಶವಿಲ್ಲ. ಇಲ್ಲಿ ಗರ್ಡರ್‌ ಲಾಂಚಿಂಗ್‌ ಸೇತುವೆ ನಿರ್ಮಾಣಗೊಳ್ಳುವ ಮೊದಲು ರಸ್ತೆಯ ಆಚೀಚೆ ಬದಿ ಸ್ತಂಭಗಳನ್ನು ನಿರ್ಮಿಸಬೇಕು.

ಈ ಕಾಮಗಾರಿ ನಡೆಸಲು ಅನುಮತಿಯನ್ನು ಕೊಂಕಣ ರೈಲ್ವೇ ನಿಗಮ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರಕ್ಕೆ ನೀಡಿದೆ. ಆಚೀಚಿನ ರಸ್ತೆಗಳ ಡಾಮರು ಕಾಮಗಾರಿ, ವಿದ್ಯುತ್‌ ಮಾರ್ಗಗಳ ಸ್ಥಳಾಂತರ ಮೊದಲಾದ ಕೆಲಸಗಳನ್ನು ನಡೆಸಲಾಗುತ್ತಿದೆ. ಸ್ತಂಭಗಳನ್ನು ನಿರ್ಮಿಸಿದ ಬಳಿಕ ಸಿದ್ಧಪಡಿಸಿದ ಸೇತುವೆಯನ್ನು (ಗರ್ಡರ್‌ ಲಾಂಚಿಂಗ್‌) ತಂದು ಜೋಡಿಸಲಾಗುತ್ತದೆ.