ವಿದೇಶಿ ವಿದ್ಯಾರ್ಥಿಗಳಿಗೆ ನಿರ್ಬಂಧ ವಾಪಸ್‌ ಮಾಡಿ

Team Udayavani, Jul 11, 2020, 10:04 AM IST

ವಾಷಿಂಗ್ಟನ್‌: ವಿದೇಶಗಳ ವಿದ್ಯಾರ್ಥಿಗಳು ತರಗತಿಗಳಿಗೆ ಖುದ್ದಾಗಿ ಹಾಜರಾಗುವ ಅಗತ್ಯ ಇಲ್ಲದಿದ್ದಲ್ಲಿ, ಅಮೆರಿಕ ತೊರೆಯಬೇಕು ಎಂಬ ಆದೇಶವನ್ನು ವಾಪಸ್‌ ಪಡೆಯುವಂತೆ ಅಮೆರಿಕದ ಸಂಸದರು ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರನ್ನು ಆಗ್ರಹಿಸಿದ್ದಾರೆ.

ಈ ಸಂಬಂಧ ಡೆಮಾಕ್ರೆಟಿಕ್‌ ಪಕ್ಷದ 136 ಸಂಸದರು (ಹೌಸ್‌ ಆಫ್ ರೆಪ್ರಸೆಂಟೇಟಿವ್ಸ್‌ನ ಸದಸ್ಯರು) ಹಾಗೂ 30 ಸೆನೆಟರ್‌ಗಳು (ಸೆನೆಟ್‌ನ ಸದಸ್ಯರು), ಆಂತರಿಕ ಭದ್ರತಾ ಇಲಾಖೆಯ ಹಂಗಾಮಿ ಕಾರ್ಯದರ್ಶಿ ಚಾಡ್‌ ವೋಲ್ಫ್ ಅವರಿಗೆ ಪ್ರತ್ಯೇಕವಾಗಿ ಪತ್ರ ಬರೆದಿದ್ದಾರೆ. ಭಾರತೀಯ ಮೂಲದ ಸೆನೆಟರ್‌ ಕಮಲಾ ಹ್ಯಾರಿಸ್‌, ರಾಬರ್ಟ್‌ ಮೆನೆಂಡೇಜ್‌ ಈ ಪತ್ರಕ್ಕೆ ಸಹಿ ಹಾಕಿರುವ ಪ್ರಮುಖ ಸಂಸದರಾಗಿದ್ದಾರೆ.

ಇದೊಂದು ಕ್ರೂರ ಆದೇಶವಾಗಿದ್ದು, ತಕ್ಷಣವೇ ಇದನ್ನು ವಾಪಸ್‌ ಪಡೆಯಬೇಕು. ಈ ಆದೇಶ ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳಲ್ಲಿ ಭೀತಿ ಹುಟ್ಟಿಸಿದೆ ಎಂದು ಹೇಳಿದ್ದಾರೆ.