Islamabad: 2 ಸಾವಿರ ವರ್ಷಗಳ ಹಿಂದಿನ ತಾಮ್ರದ ನಾಣ್ಯಗಳು ಪತ್ತೆ

Team Udayavani, Dec 2, 2023, 9:29 PM IST

ಇಸ್ಲಾಮಾಬಾದ್‌: ಪ್ರಾಚೀನ ಕಾಲದ ನಾಗರಿಕತೆಯ ಸ್ಥಳ ಮೊಹೆಂಜದಾರೋದಲ್ಲಿ 2 ಸಾವಿರ ವರ್ಷಗಳಷ್ಟು ಹಳೆಯದಾಗಿರುವ ತಾಮ್ರದ ನಾಣ್ಯಗಳು ಸಿಕ್ಕಿವೆ. ಅವುಗಳನ್ನು ಕುಶಾನ ಸಾಮ್ರಾಜ್ಯದ ಅವಧಿಯಲ್ಲಿ ಟಂಕಿಸಲಾಗಿರುವ ಸಾಧ್ಯತೆ ಇದೆ ಎಂದು ಸಂಶೋಧಕರ ಅಭಿಪ್ರಾಯ. ಈ ಅವಧಿಯಲ್ಲಿ ಬೌದ್ಧ ಧರ್ಮವೂ ಹೆಚ್ಚಿನ ಜನಪ್ರಿಯತೆ ಪಡೆದಿತ್ತು ಎಂದೂ ಸಂಶೋಧಕರು ನಡೆಸಿದ ಅಧ್ಯಯನಗಳಿಂದ ತಿಳಿದುಬಂದಿದೆ.

ಇತಿಹಾಸ ಸಂಶೋಧಕ ಶೇಖ್‌ ಜಾವೇದ್‌ ಅಲಿ ಸಿಂಧಿ ಸಂದರ್ಶನವೊಂದರಲ್ಲಿ ಮಾತನಾಡಿ ಉತVನನದ ವೇಳೆ ಪತ್ತೆಯಾಗಿರುವ ನಾಣ್ಯಗಳ ಸಂಖ್ಯೆಯೇ 1,500 ಇರಬಹುದು ಎಂದರು. ಈ ಸ್ಥಳ ಕ್ರಿಸ್ತಪೂರ್ವ 2,600ನೇ ವರ್ಷಕ್ಕೆ ಸಂಬಂಧಿಸಿದ್ದಾಗಿರುವ ಸಾಧ್ಯತೆಗಳಿವೆ ಎಂದರು. ಇದರ ಜತೆಗೆ ಅಲ್ಲಿ ಸ್ತೂಪವೊಂದು ಪತ್ತೆಯಾಗಿದ್ದು, ಅದು ಮೊಹೆಂಜದಾರೋ ನಾಗರಿಕತೆ ಪತನಗೊಂಡು 1,600 ವರ್ಷಗಳ ಬಳಿಕ ನಿರ್ಮಿಸಿದ್ದಾಗಿರಬಹುದು ಎಂದು ಹೇಳಿದ್ದಾರೆ.