ISRO ಮುಡಿಗೆ 2023ನೇ ಸಾಲಿನ ಲೀಫ್ ಎರಿಕ್ಸನ್‌ ಲುನಾರ್‌ ಪ್ರಶಸ್ತಿ

Team Udayavani, Dec 21, 2023, 12:38 AM IST

ಹೊಸದಿಲ್ಲಿ: ಭಾರತದ ಚಂದ್ರಯಾನ-3ರ ಯಶಸ್ಸಿಗಾಗಿ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ)ಗೆ 2023ನೇ ಸಾಲಿನ ಪ್ರತಿಷ್ಠಿತ ಲೀಫ್ ಎರಿಕ್‌ಸನ್‌ ಲುನಾರ್‌ ಪ್ರೈಸ್‌ ಲಭಿಸಿದೆ. ಐಲ್ಯಾಂಡ್‌ನ‌ ಹುಸಾವಿಕ್‌ನಲ್ಲಿರುವ ಎಕ್ಸ್‌ ಪ್ಲೋರೇಶನ್‌ ಮ್ಯೂಸಿಯಂ ಈ ಪ್ರಶಸ್ತಿಯನ್ನು ನೀಡಿದ್ದು, ಚಂದ್ರನ ದಕ್ಷಿಣ ಧ್ರುವದಲ್ಲಿ ಸಾಫ್ಟ್ ಲ್ಯಾಂಡಿಂಗ್‌ ಮಾಡುವ ಮೂಲಕ ಇತಿಹಾಸ ನಿರ್ಮಿ ಸಿದ್ದಷ್ಟೇ ಅಲ್ಲದೆ, ಚಂದ್ರನಲ್ಲಿನ ಅನ್ವೇಷಣೆ ಮುಂದುವರಿಸಿ ಬಾಹ್ಯಾಕಾಶದ ರಹಸ್ಯಗಳನ್ನು ಅರ್ಥೈಸಿಕೊಳ್ಳಲು ಇಸ್ರೋ ನೀಡಿರುವ ಅದಮ್ಯ ಕೊಡುಗೆಯನ್ನು ಪ್ರಶಸ್ತಿ ಸ್ಮರಿಸಲಿದೆ ಎಂದು ಮ್ಯೂಸಿ ಯಂ ಹೇಳಿದೆ.

ಈ ವಿಚಾರವನ್ನು ರೆಕ್ಜಾವಿಕ್‌ನಲ್ಲಿರುವ ಭಾರತೀಯ ರಾಯಭಾರ ಕಚೇರಿಯು ಹಂಚಿಕೊಂಡು ಸಂತಸ ವ್ಯಕ್ತಪಡಿಸಿದೆ. ಪ್ರಶಸ್ತಿ ನೀಡಿ ಗೌರವಿಸಿದ್ದಕ್ಕಾಗಿ ಇಸ್ರೋ ಮುಖ್ಯಸ್ಥ ಎಸ್‌.ಸೋಮನಾಥ್‌ ಇಸ್ರೋ ಪರವಾಗಿ ಧನ್ಯವಾದ ಅರ್ಪಿಸಿದ್ದಾರೆ.