Pro Kabaddi: ಮುಂಬಾ ವಿರುದ್ಧ ಜೈಪುರ್‌ ಜಯ

Team Udayavani, Jan 6, 2024, 11:17 PM IST

ಮುಂಬಯಿ: ಯು ಮುಂಬಾ ತವರಿನ ಆವೃತ್ತಿಯಲ್ಲಿ ಸೋಲಿನ ಆಘಾತಕ್ಕೆ ಸಿಲುಕಿದೆ. ಶನಿವಾರದ ಮೊದಲ ಪ್ರೊ ಕಬಡ್ಡಿ ಕದನದಲ್ಲಿ ಜೈಪುರ್‌ ಪಿಂಕ್‌ ಪ್ಯಾಂಥರ್ 41-31 ಅಂತರದ ಗೆಲುವು ಸಾಧಿಸಿತು.

ರೈಡರ್‌ ಅರ್ಜುನ್‌ ದೇಶ್ವಾಲ್‌ ಜೈಪುರ್‌ ಜಯದಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಅವರದು ಸರ್ವಾಧಿಕ 17 ಅಂಕಗಳ ಸಾಧನೆ. ಮತ್ತೋರ್ವ ರೈಡರ್‌ ವಿ. ಅಜಿತ್‌ 6 ಅಂಕ ಗಳಿಸಿದರು. ಇದು 10 ಪಂದ್ಯಗಳಲ್ಲಿ ಜೈಪುರಕ್ಕೆ ಒಲಿದ 6ನೇ ಜಯ.

ಯು ಮುಂಬಾ 9 ಪಂದ್ಯಗಳಲ್ಲಿ 3ನೇ ಸೋಲು ಕಂಡಿತು. ರೈಡರ್‌ ಗುಮಾನ್‌ ಸಿಂಗ್‌ (13 ಅಂಕ) ಉತ್ತಮ ಹೋರಾಟ ನಡೆಸಿದರು. ರೈಡರ್‌ ಅಲಿರೇಝ 6 ಅಂಕ, ಜೈ ಭಗವಾನ್‌ 5 ಅಂಕ ತಂದಿತ್ತರು.

ಟೈಟಾನ್ಸ್‌ಗೆ 9ನೇ ಸೋಲು
ತೆಲುಗು ಟೈಟಾನ್ಸ್‌ನ ಸೋಲಿನ ಸಂಖ್ಯೆ 9ಕ್ಕೆ ಏರಿದೆ. ದಿನದ 2ನೇ ಪಂದ್ಯ ದಲ್ಲಿ ಗುಜರಾತ್‌ ಜೈಂಟ್ಸ್‌ 37- 30 ಅಂತರದಿಂದ ಟೈಟಾನ್ಸ್‌ಗೆ ಹೊಡೆತ ವಿಕ್ಕಿತು. ಇದು 11 ಪಂದ್ಯಗಳಲ್ಲಿ ಗುಜ ರಾತ್‌ ಸಾಧಿಸಿದ 7ನೇ ಜಯವಾಗಿದೆ.