Jasprit Bumrah ಬೌಲಿಂಗ್‌ ಶೈಲಿಯನ್ನೇ ಶಂಕಿಸಿದ ಆಸೀಸ್‌ ಮಾಧ್ಯಮಗಳು!

Team Udayavani, Dec 25, 2024, 6:30 AM IST

ಮೆಲ್ಬರ್ನ್: ಎದುರಾಳಿ ಕ್ರಿಕೆಟ್‌ ತಂಡಗಳನ್ನು ಮಾನಸಿಕವಾಗಿ ಹಣಿಯಲು ಖ್ಯಾತವಾಗಿರುವ ಆಸ್ಟ್ರೇಲಿಯಾ ಬಾಕ್ಸಿಂಗ್‌ ಡೇ ಟೆಸ್ಟ್‌ಗೂ ಮುನ್ನ ಆತಂತ್ರವನ್ನು ತೀವ್ರಗೊಳಿಸಿದೆ.

ಮೊದಲು ವಿರಾಟ್‌ ಕೊಹ್ಲಿಯನ್ನು ಟೀಕಿಸಿದ್ದ ಆಸೀಸ್‌ ಮಾಧ್ಯಮಗಳು, ಇದೀಗ ವೇಗಿ ಜಸ್‌ಪ್ರೀತ್‌ ಬುಮ್ರಾರನ್ನು ಗುರಿಯಾಗಿಸಿಕೊಂಡಿವೆ.

ಖ್ಯಾತ ಟೀವಿ ನಿರೂಪಕ ಇಯಾನ್‌ ಮಾರಿಸ್‌, ಬುಮ್ರಾ ಬೌಲಿಂಗ್‌ ಶೈಲಿಯನ್ನೇ ಪ್ರಶ್ನಿಸಿದ್ದಾರೆ. ಯಾರೂ ಏಕೆ ಬುಮ್ರಾ ಬೌಲಿಂಗ್‌ ಶೈಲಿಯನ್ನು ಪ್ರಶ್ನಿಸುತ್ತಿಲ್ಲ? ಅವರು ಎಸೆಯುತ್ತಾರೆಂದು ನಾನು ಹೇಳುತ್ತಿಲ್ಲ. ಆದರೆ ಅವರು ಕೈಯನ್ನು ಬಳಸುವ ರೀತಿಯನ್ನಂತೂ ಪರೀಕ್ಷಿಸಬೇಕು ಎಂದಿದ್ದಾರೆ. ಇದನ್ನು ಭಾರತೀಯ ಅಭಿಮಾನಿಗಳು ಟೀಕಿಸಿದ್ದಾರೆ. ಬಹಳ ಹಿಂದೆ ಲಂಕಾ ಸ್ಪಿನ್‌ ದಿಗ್ಗಜ ಮುತ್ತಯ್ಯ ಮುರಳೀಧರನ್‌ರನ್ನು ಕ್ರಿಕೆಟ್‌ ಮೈದಾನದಲ್ಲೇ ಎಸೆಯುತ್ತಾರೆಂದು ಅವಮಾನಿಸಲಾಗಿತ್ತು.