JEE Main: ಶೌಚಾಲಯಕ್ಕೆ ಹೋಗಿ ಬಂದರೂ ತಪಾಸಣೆ!

Team Udayavani, Jan 3, 2024, 11:42 PM IST

ಹೊಸದಿಲ್ಲಿ: ಜೆಇಇ-ಮೇನ್‌ ಪರೀಕ್ಷೆಗೆ ಹಾಜರಾಗುವ ಅಭ್ಯರ್ಥಿ­ಗಳು ಶೌಚಾಲಯಕ್ಕೆ ಹೋಗಿ ಬಂದ ನಂತ­ರವೂ(ಟಾಯ್ಲೆಟ್‌ ಬ್ರೇಕ್‌ ಬಳಿಕ) ಬಯೋ ಮೆಟ್ರಿಕ್‌ ಹಾಜರಾತಿ ಮತ್ತು ತಪಾ­ಸಣೆಗೆ ಒಳಪಡ­ಬೇಕಾ­ಗು­ತ್ತದೆ ಎಂದು ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (ಎನ್‌ಟಿಎ) ಅಧಿಕಾರಿಗಳು ತಿಳಿಸಿ­ದ್ಧಾರೆ.

ಪರೀಕ್ಷಾ ಕಾರ್ಯದಲ್ಲಿ ನಿರತರಾಗುವ ಅಧಿಕಾರಿ­ಗಳು, ವೀಕ್ಷಕರು, ಸಿಬ್ಬಂದಿ ಹಾಗೂ ಉಪಾಹಾರ ನೀಡು­ವವರು ಕೂಡ ಇದೇ ರೀತಿ ತಪಾಸಣೆಗೆ ಒಳಪಡಬೇಕಾಗುತ್ತದೆ ಎಂದು ಮಾಹಿತಿ ನೀಡಿದ್ಧಾರೆ. “ನಕಲು ಅಭ್ಯರ್ಥಿಗಳು ಸೇರಿದಂತೆ ಯಾವುದೇ ರೀತಿಯ ಅಕ್ರಮಕ್ಕೂ ಅವಕಾಶ ನೀಡದೇ ಎಚ್ಚರವಹಿಸುವ ಉದ್ದೇಶದಿಂದ ಈ ಕ್ರಮಗಳನ್ನು ಕೈಗೊಳ್ಳಲಾಗಿದೆ’ ಎಂದು ಎನ್‌ಟಿಎ ನಿರ್ದೇಶಕ ಸುಬೋಧ್‌ ಕುಮಾರ್‌ ಸಿಂಗ್‌ ಹೇಳಿದ್ಧಾರೆ.

ಜೆಇಇ ಮೇನ್‌-2024ರ ಪರೀಕ್ಷೆಯು ಜ.24ರಿಂದ ಫೆ.1ರವರೆಗೆ ನಡೆಯಲಿದೆ. ಫೆ.12ರಂದು ಫ‌ಲಿತಾಂಶ ಪ್ರಕಟವಾಗಲಿದೆ. ಇಂಗ್ಲೀಷ್‌ ಸೇರಿದಂತೆ ಒಟ್ಟು 13 ಭಾಷೆಗಳಲ್ಲಿ ಪರೀಕ್ಷೆ ನಡೆಯಲಿದೆ. ಈ ಆವೃತ್ತಿಯ ಪರೀಕ್ಷೆಗೆ ದಾಖಲೆಯ ಒಟ್ಟು 12.3 ಲಕ್ಷ ಅಭ್ಯರ್ಥಿಗಳು ಹೆಸರು ನೋಂದಾಯಿಸಿದ್ಧಾರೆ. ದ್ವೆ„ವಾರ್ಷಿಕ ಪರೀಕ್ಷೆಯ ಎರಡನೇ ಆವೃತ್ತಿಯು ಏಪ್ರಿಲ್‌ನಲ್ಲಿ ನಡೆಯಲಿದೆ.