Kasaragod: ಪರಾರಿಯಾಗಿದ್ದ ಕೊ*ಲೆ ಯತ್ನ ಆರೋಪಿ ಬಂಧನ

Team Udayavani, Dec 12, 2024, 12:30 AM IST

ಕಾಸರಗೋಡು: ಕೊಲೆ ಯತ್ನ ಪ್ರಕರಣಕ್ಕೆ ಸಂಬಂಧಿಸಿ ಬಂಧಿತನಾಗಿ ಕೋವಿಡ್‌ ಕೇರ್‌ ಸೆಂಟರ್‌ನಲ್ಲಿ ಕಳೆಯುತ್ತಿದ್ದಂತೆ ಅಲ್ಲಿಂದ ಪರಾರಿಯಾದ ಹಲವು ಪ್ರಕರಣಗಳಲ್ಲಿ ಆರೋಪಿಯಾದ ಮಂಜೇಶ್ವರ ಪೊಲೀಸ್‌ ಠಾಣೆ ವ್ಯಾಪ್ತಿಯ ಆದಂ ಖಾನ್‌(24)ನನ್ನು ಮಂಜೇಶ್ವರ ಪೊಲೀಸರು ಬಂಧಿಸಿದ್ದಾರೆ.

2020 ಸೆ.29ರಂದು ನೀಲೇಶ್ವರ ಪಡನ್ನಕಾಡ್‌ ಕೋವಿಡ್‌ ಕೇರ್‌ ಸೆಂಟರ್‌ನಿಂದ ಕಿಟಿಕಿ ಮೂಲಕ ಪರಾರಿಯಾಗಿದ್ದ. 2019 ಡಿ.26ರಂದು ಮುಸ್ಲಿಂ ಲೀಗ್‌ ಕಾರ್ಯಕರ್ತ ಉಪ್ಪಳದ ಮುಸ್ತಫಾ ಅವರನ್ನು ಕೊಲೆಗೈಯಲು ಆರೋಪ ಈತನ ಮೇಲಿದೆ.

ಪರಾರಿಯಾದ ಬಳಿಕ ಕರ್ನಾಟಕ, ಕೇರಳ, ಆಂಧ್ರ ಪ್ರದೇಶದ ವಿವಿಧೆಡೆ ತಲೆಮರೆಸಿಕೊಂಡಿದ್ದ. ಕಳೆದ ಮಂಗಳವಾರ ರಹಸ್ಯವಾಗಿ ಕೈಕಂಬದ ಮನೆಗೆ ಬಂದಿರುವ ಮಾಹಿತಿ ತಿಳಿದು ಬಂಧಿಸಲಾಗಿದೆ.