Crime; ಕಾಸರಗೋಡು ಅಪರಾಧ ಸುದ್ದಿಗಳು: ಯುವಕ ನಿಗೂಢ ಸಾವು

Team Udayavani, Dec 12, 2024, 12:10 AM IST

ಯುವಕ ನಿಗೂಢ ಸಾವು
ಕಾಸರಗೋಡು: ಮುಳಿ ಯಾರು ಮೂಲಡ್ಕ ಕಾವಪ್ಪಾಡಿ ನಿವಾಸಿ ರಶೀದ್‌(24) ಅವರ ಮೃತದೇಹ ಮೂಲಡ್ಕ ಪರಿಸರದ ರಸ್ತೆಯ ಸಮೀಪ ಕುಳಿತುಕೊಂಡ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಎರಡೂ ಕಾಲುಗಳಲ್ಲೂ ಗಾಯಗಳಾಗಿದ್ದು, ರಕ್ತ ಹರಿಯು ತ್ತಿರುವ ಸ್ಥಿತಿಯಲ್ಲಿ ಕಂಡು ಬಂದಿದೆ. ಸಾವಿನ ಕುರಿತು ಸಂಶಯ ವ್ಯಕ್ತವಾಗಿದ್ದು, ಆದೂರು ಪೊಲೀಸರು ಸ್ಥಳಕ್ಕೆ ಧಾವಿಸಿ ತನಿಖೆ ನಡೆಸುತ್ತಿದ್ದಾರೆ.

ವಿದ್ಯುತ್‌ ತಂತಿ ತಗಲಿ ಕಾರ್ಮಿಕ ಗಂಭೀರ
ಕಾಸರಗೋಡು: ಪರಪ್ಪ ತೋಡುಂಚಾಲಿನ ತೋಟದಲ್ಲಿ ಯಂತ್ರದ ಸಹಾಯದಿಂದ ತೆಂಗಿನ ಮರವೇರಿ ಕಾಯಿ ಕೊಯ್ಯುತ್ತಿದ್ದಾಗ ಸಮೀಪದಲ್ಲೇ ಹಾದುಹೋಗಿರುವ ಎಚ್‌.ಟಿ. ವಿದ್ಯುತ್‌ ಲೈನ್‌ನಿಂದ ಶಾಕ್‌ ತಗಲಿ ಕೆಳಕ್ಕೆ ಬಿದ್ದು ಕಾರ್ಮಿಕ ವೆಳ್ಳರಿಕುಂಡು ಸಮೀಪದ ತೊಡುಂಚಾಲಿನ ರವಿ (46) ಗಂಭೀರ ಗಾಯಗೊಂಡಿದ್ದು ಆಸ್ಪತ್ರೆಗೆ ಸೇರಿಸಲಾಗಿದೆ. ಕಣ್ಣೂರಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಹೊಳೆಯಲ್ಲಿ ಮುಳುಗಿ
ವಿದ್ಯಾರ್ಥಿ ಸಾವು
ಕಾಸರಗೋಡು: ಕಣ್ಣೂರು ಮಾತಮಂಗಲ ಪೆರುವಾಂಬದ ಹೊಳೆಯಲ್ಲಿ ಸಹಪಾಠಿಗಳೊಂದಿಗೆ ಸ್ನಾನ ಮಾಡುತ್ತಿದ್ದ ಸ್ಥಳೀಯ ವಿದ್ಯಾರ್ಥಿ ಚಟ್ಟಂಚಾಲ್‌ ಕೋಳಿಯಡ್ಕದ ರಮೀಸ್‌ (18) ಆಯ ತಪ್ಪಿ ಬಿದ್ದು ಮುಳುಗಿ ಸಾವಿಗೀಡಾಗಿದ್ದಾರೆ ಎಂದು ಹೇಳಲಾಗಿದೆ.