Siddapura ಕಟ್ಟೆಮಕ್ಕಿ: ಲಾರಿ ಪಲ್ಟಿ; ಲಕ್ಷಾಂತರ ನಷ್ಟ

Team Udayavani, Jul 13, 2024, 1:10 AM IST

ಸಿದ್ದಾಪುರ: ಮಂಗಳೂರಿನಿಂದ ಕೋಕ್‌ ತುಂಬಿಸಿಕೊಂಡು ಬಳ್ಳಾರಿ ಕಡೆಗೆ ಸಾಗುತ್ತಿದ್ದ ಲಾರಿಯು ಶಂಕರನಾರಾಯಣ ಗ್ರಾಮದ ಕಟ್ಟೆಮಕ್ಕಿಯಲ್ಲಿ ಅಡ್ಡ ಬಂದ ಗೂಡ್ಸ್‌ ವಾಹನವನ್ನು ತಪ್ಪಿಸಲು ಹೋದಾಗ ನಿಯಂತ್ರಣ ತಪ್ಪಿ ಗೂಡ್ಸ್‌ ವಾಹನಕ್ಕೆ ಢಿಕ್ಕಿಯಾಗಿ ಪಲ್ಟಿಯಾಗಿದೆ.

ಸುಮಾರು 25 ಟನ್‌ ಕೋಕ್‌ ನಾಶಗೊಂಡಿದೆ. ಲಾರಿಯೂ ಸಂಪೂರ್ಣ ಜಖಂಗೊಂಡು, ಲಕ್ಷಾಂತರ ರೂ. ನಷ್ಟ ಸಂಭವಿಸಿದೆ. ಚಾಲಕ ಹಾಗೂ ಚಾಲಕನ ತಂದೆ ಲಾರಿಯಲ್ಲಿದ್ದು, ಯಾವುದೇ ಹಾನಿ ಸಂಭವಿಸಿಲ್ಲ. ಗೂಡ್ಸ್‌ ವಾಹನದಲ್ಲಿ ಚಾಲಕ ಅವಿನಾಶ್‌ ಸೇರಿದಂತೆ ಮೂವರು ಇದ್ದು, ಯಾರಿಗೂ ಗಾಯ ಆಗಿಲ್ಲ. ಲಾರಿ ಚಾಲಕ ಪುರ್ಯ (33) ಅವರು ಪೊಲೀಸರಿಗೆ ದೂರು ನೀಡಿದ್ದು ಶಂಕರನಾರಾಯಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.