ತಡೆಗೋಡೆ ಕುಸಿತ : ಆ.20ರವರೆಗೆ ರೈಲು ಮಾರ್ಗ ಬದಲು

Team Udayavani, Aug 9, 2020, 10:43 AM IST

ಪಣಜಿ: ಕೊಂಕಣ ರೈಲ್ವೆ ಮಾರ್ಗದ ಗೋವಾದ  ಪೆರ್ನೆಮ್ ನ ರೈಲ್ವೆ ಸುರಂಗದಲ್ಲಿ ತಡೆಗೋಡೆ ಕುಸಿದ ಹಿನ್ನೆಲೆಯಲ್ಲಿ ರೈಲು ಓಡಾಟವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ. ಈ ಮಾರ್ಗವಾಗಿ ಸಂಚರಿಸುವ ರೈಲುಗಳನ್ನು ಬದಲಿ ಮಾರ್ಗಕ್ಕೆ ತಿರುಗಿಸಲಾಗಿದೆ ಎಂದು ಕೊಂಕಣ ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.

ಹಜರತ್‌ ನಿಜಾಮುದ್ದೀನ್‌ ಸೂಪರ್‌ ಫಾಸ್ಟ್‌ ಎಕ್ಸ್‌ಪ್ರೆಸ್‌ ರೈಲನ್ನು ಆ.20ರ ವರೆಗೆ ಮಡಗಾಂವ್‌- ಲೊಂಡಾ-ಮೀರಜ್‌-ಪುಣೆ ಮಾರ್ಗಕ್ಕೆ ತಿರುಗಿಸಲಾಗಿದೆ. ಹಜರತ್‌ ನಿಜಾಮುದ್ದೀನ್‌ ಎರ್ನಾಕುಲಂ ರೈಲನ್ನು ಕೂಡ ಪನ್ವೇಲ್‌-ಪುಣೆ-ಮೀರಜ್‌-ಪೊಂಡಾ-ಮಡಗಾಂವ ಮಾರ್ಗಕ್ಕೆ ತಿರುಗಿಸಲಾಗಿದೆ. ತಿರುವನಂತಪುರಂದಿಂದ ಲೋಕಮಾನ್ಯ ತಿಲಕ್‌ ಎಕ್ಸಪ್ರಸ್‌ ರೈಲನ್ನು ಆ.20ರವರೆಗೆ ಮಡಗಾಂವ್‌- ಲೊಂಡಾ-ಮೀರಜ್‌ ಮಾರ್ಗಕ್ಕೆ ತಿರುಗಿಸಲಾಗಿದೆ. ಅಂತೆಯೇ ಗೋವಾದ ಪೆರ್ನೆಮ್ ಮಾರ್ಗವಾಗಿ ಓಡಾಟ ನಡೆಸುತ್ತಿದ್ದ ಎಲ್ಲ ರೈಲುಗಳನ್ನು ಆ.20ರವರೆಗೆ ಇತರ ಮಾರ್ಗಗಳಿಗೆ ತಿರುಗಿಸಲಾಗಿದೆ ಎಂದೂ ತಿಳಿಸಿದ್ದಾರೆ.