Guinness World Record: ಉದ್ದನೆಯ ಕೇಶ: ಬಾಲಕನಿಂದ ಗಿನ್ನೆಸ್‌ ದಾಖಲೆ

Team Udayavani, Sep 16, 2023, 10:10 PM IST

ನವದೆಹಲಿ: ಉತ್ತರ ಪ್ರದೇಶ ಗ್ರೇಟರ್‌ ನೊಯ್ಡಾದ 15 ವರ್ಷದ ಬಾಲಕ ತನ್ನ ಅತಿ ಉದ್ದನೆಯ ಕೇಶಕ್ಕಾಗಿ ಗಿನ್ನೆಸ್‌ ದಾಖಲೆ ಮಾಡಿದ್ದಾನೆ. ಸಿದ್ದಕ್‌ದೀಪ್‌ ಸಿಂಗ್‌ ಚಾಹಲ್‌ ಎಂಬ ಬಾಲಕನ ತಲೆಯ ಕೂದಲು 146 ಸೆಂ.ಮೀ.(4 ಅಡಿ 9.5 ಇಂಚು) ಬೆಳೆದಿದ್ದು, ವಿಶ್ವದಲ್ಲೇ ಅತ್ಯಂತ ಉದ್ದನೆಯ ಕೇಶ ಹೊಂದಿರುವ ಬಾಲಕ ಎಂದು ಗಿನ್ನೆಸ್‌ ದಾಖಲೆಯಲ್ಲಿ ಸ್ಥಾನ ಪಡೆದಿದ್ದಾನೆ.

ಈ ಕುರಿತು ಪ್ರತಿಕ್ರಿಯಿಸಿದ ಸಿದ್ದಕ್‌ದೀಪ್‌, “ಸಿಖ್‌ ಧರ್ಮದವರಾದ ಕಾರಣ, ಚಿಕ್ಕ ವಯಸ್ಸಿನಿಂದಲೂ ತಲೆಯ ಕೂದಲನ್ನು ಕತ್ತರಿಸಿಲ್ಲ. ಚಿಕ್ಕ ವಯಸ್ಸಿನಲ್ಲಿ ನನ್ನ ಉದ್ದ ಕೂದಲಿನ ಬಗ್ಗೆ ಅಸಮಾಧಾನ ಇತ್ತು. ಈಗ ಅದು ನನ್ನ ಭಾಗವಾಗಿದೆ. ನನ್ನ ತಾಯಿ ನನ್ನ ಕೂದಲಿನ ಸಂಪೂರ್ಣ ಆರೈಕೆ ಮಾಡುತ್ತಾರೆ. ನಾನು ಟರ್ಬನ್‌ ಧರಿಸುತ್ತೇನೆ’ ಎಂದು ವಿವರಿಸಿದ್ದಾರೆ.