ಮಾಲೆ ಚುನಾವಣೆ: ಭಾರತ ವಿರೋಧಿ ಮುಯಿಜ್ಜು ಪಕ್ಷಕ್ಕೆ ಸೋಲು
ನಗರಪಾಲಿಕೆ ಚುನಾವಣೆಯಲ್ಲಿ ಭಾರತ ಪರವಿರುವ ಎಂಡಿಪಿ ಪಕ್ಷಕ್ಕೆ ಗೆಲುವು
Team Udayavani, Jan 14, 2024, 9:52 PM IST
ಮಾಲೆ: ಇತ್ತೀಚೆಗಷ್ಟೇ ಭಾರತ ಮತ್ತು ಪ್ರಧಾನಿ ನರೇಂದ್ರ ಮೋದಿಯನ್ನು ಅನಗತ್ಯವಾಗಿ ನಿಂದಿಸಿ, ಮಾಲ್ಡೀವ್ಸ್ನ ಮೂರು ಮಂತ್ರಿಗಳು ಅಮಾನತುಗೊಂಡಿದ್ದರು. ಅದರ ಬೆನ್ನಲ್ಲೇ ನಡೆದ ಮಾಲ್ಡೀವ್ಸ್ ರಾಜಧಾನಿ ಮಾಲೆ ನಗರಪಾಲಿಕೆಯ ಮೇಯರ್ ಚುನಾವಣೆಯಲ್ಲಿ ಆಡಳಿತಾರೂಢ ಪಿಎನ್ಸಿ ಪಕ್ಷ ಹೀನಾಯವಾಗಿ ಸೋತುಹೋಗಿದೆ. ಭಾರತ ಪರ ನಿಲುವು ಹೊಂದಿರುವ ಎಂಡಿಪಿ ಪಕ್ಷ ಮೇಯರ್ ಚುನಾವಣೆಯಲ್ಲಿ ಗೆದ್ದಿದೆ. ಆ್ಯದಮ್ ಅಜೀಮ್ ಮಾಲೆಯ ನೂತನ ಮೇಯರ್ ಆಗಿ ಆಯ್ಕೆಯಾಗಿದ್ದಾರೆ.
ಈ ಸೋಲು ಆಡಳಿತಾರೂಢ ಪಿಎನ್ಸಿ ಪಕ್ಷದ ಭಾರತ ವಿರೋಧಿ ನಿಲುವಿಗೆ ಮತದಾರರು ವಿಧಿಸಿದ ಶಿಕ್ಷೆ ಎಂದು ಬಿಂಬಿಸಲಾಗುತ್ತಿದೆ. ಕಳೆದ ವರ್ಷ ನವೆಂಬರ್ನಲ್ಲಷ್ಟೇ ಮಾಲ್ಡೀವ್ಸ್ನ ನೂತನ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದ ಮುಯಿಜ್ಜು; ಅಲ್ಲಿಯವರೆಗೆ ಮಾಲೆ ಪಾಲಿಕೆಯ ಮೇಯರ್ ಆಗಿದ್ದರು! ಸ್ವತಃ ಮಾಲ್ಡೀವ್ಸ್ ಅಧ್ಯಕ್ಷರ ನೆಲೆಯಲ್ಲೇ ಆಡಳಿತಾರೂಢ ಹಾಗೂ ಭಾರತ ವಿರೋಧಿ ನಿಲುವು ಹೊಂದಿರುವ ಪಿಎನ್ಸಿ ಪಕ್ಷಕ್ಕೆ ಸೋಲಾಗಿದೆ. ಇನ್ನೊಂದು ಕಡೆ ಭಾರತದ ಪರ ನಿಲುವು ಹೊಂದಿರುವ, ಇಬ್ರಾಹಿಂ ಸೊಲಿಹ್ರ ಎಂಡಿಪಿ ಪಕ್ಷ ಗೆದ್ದು ಬೀಗಿದೆ.
ಪ್ರಸ್ತುತ ಚುನಾವಣೆಯಲ್ಲಿ ಎಂಡಿಪಿಯ ಆ್ಯದಮ್ ಅಜೀಮ್ಗೆ ಶೇ.45 ಮತ ಬಂದಿದ್ದರೆ, ಪಿಎನ್ಸಿ ಅಭ್ಯರ್ಥಿ ಅಜಿಮಾ ಶಕೂರ್ಗೆ ಶೇ.29 ಮತ ಬಂದಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಉಡುಪಿಯ ಈ ಜಾಗದಲ್ಲಿ ರಸಂ ಪುರಿ ತುಂಬಾನೇ ಫೇಮಸ್
ತಿರುಪತಿ ಲಡ್ಡು ವಿವಾದ ಪೇಜಾವರ ಶ್ರೀಗಳು ಹೇಳಿದ್ದೇನು ?
Kaljigaದಲ್ಲಿ ದೈವದ ಅಪಪ್ರಚಾರ ನಡೆದಿಲ್ಲ, ಸಿನಿಮಾ ನೋಡಿದ ಬಳಿಕ ಈ ಬಗ್ಗೆ ಪ್ರತಿಕ್ರಿಯಿಸಿ
ನವಜಾತ ಶಿಶುಗಳಲ್ಲಿ ಶ್ರವಣ ಶಕ್ತಿ ಸಮಸ್ಯೆ ಕುರಿತು ಸಂಪೂರ್ಣ ಮಾಹಿತಿ
ಅಂತರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆ ಅಂಗವಾಗಿ ತಾಲೂಕು ಮಟ್ಟದ ಮಾನವ ಸರಪಳಿ ಕಾರ್ಯಕ್ರಮ
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.