Mangalore: ಮಂಗಳಾ ಮ್ಯಾಗ್ನಸ್‌ ಒಳಾಂಗಣ ಶಟಲ್‌ ಕೋರ್ಟ್‌ – ನಾಳೆ ಉದ್ಘಾಟನೆ

Team Udayavani, Feb 8, 2024, 12:09 AM IST

ಮಂಗಳೂರು: ನೀರುಮಾರ್ಗದಲ್ಲಿರುವ ಮಂಗಳಾ ಸಮೂಹ ಶಿಕ್ಷಣ ಸಂಸ್ಥೆಯ ವಿನೂತನ ಸ್ವದೇಶಿ ವುಡನ್‌ ಫ್ಲೋರ್‌ ಹೊಂದಿರುವ ಒಳಾಂಗಣ ಶಟಲ್‌ ಕೋರ್ಟ್‌ “ಮಂಗಳಾ ಮ್ಯಾಗ್ನಸ್‌’ನ ಉದ್ಘಾಟನೆ ಫೆ. 9ರಂದು ನಡೆಯಲಿದೆ.

ಮುಖ್ಯ ಅತಿಥಿಯಾಗಿ ಬೆಂಗಳೂರಿನ ರಾಜೀವ್‌ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾನಿಲಯದ ಸಿಂಡಿಕೇಟ್‌ ಸದಸ್ಯ ಡಾ| ಯು.ಟಿ. ಇಫ್ತಿಕರ್‌ ಅಲಿ ಮತ್ತು ಗೌರವ ಅತಿಥಿಗಳಾಗಿ ಸೆನೆಟ್‌ ಸದಸ್ಯ ಡಾ| ಶರಣ್‌ ಶೆಟ್ಟಿ, ರಾಷ್ಟ್ರಮಟ್ಟದ ಬ್ಯಾಡ್ಮಿಂಟನ್‌ ಆಟಗಾರ್ತಿ ನಿಧಿಶ್ರೀ ದೇವದಾಸ್‌ ಭಾಗವಹಿಸಲಿದ್ದಾರೆ.

ಅಧ್ಯಕ್ಷತೆಯನ್ನು ಮಂಗಳಾ ಸಮೂಹ ಶಿಕ್ಷಣ ಸಂಸ್ಥೆಯ ಚೇರ್‌ವೆುನ್‌ ಡಾ| ಗಣಪತಿ ಪಿ. ವಹಿಸಲಿದ್ದು, ವೈಸ್‌ ಚೇರ್‌ಮನ್‌ ಡಾ| ಅನಿತಾ ಜಿ. ಭಟ್‌, ಅಕಾಡೆಮಿಕ್‌ ಅಡ್ವೈಸರ್‌ ಆಗಿರುವ ಯುರೋಲಜಿಸ್ಟ್‌ ಡಾ| ನಫ್ಸೀರ್‌ ಟಿ.ಎ.ಎಂ., ಮಂಗಳಾ ಹಾಸ್ಪಿಟಲ್‌ನ ನ್ಪೋರ್ಟ್ಸ್ ಮೆಡಿಸಿನ್‌ ಸಲಹೆಗಾರ ಮತ್ತು ಸಲಹಾ ಆರ್ಥೋ ಪಿಡೀಶಿಯನ್‌ ಡಾ| ಪ್ರವೀಣ್‌ ಕುಮಾರ್‌ ರೈ ಭಾಗವಹಿಸಲಿದ್ದಾರೆ.

ಮಂಗಳಾ ನರ್ಸಿಂಗ್‌ ಕಾಲೇಜಿನ ಪ್ರಾಂಶುಪಾಲೆ ಡಾ| ಮೇರಿ ಪಿಂಟೊ, ಮಂಗಳಾ ಅಲೈಡ್‌ ಹೆಲ್ತ್‌ ಮತ್ತು ಪಾರಾ ಮೆಡಿಕಲ್‌ ಸಯನ್ಸ್‌ನ ಪ್ರಾಂಶುಪಾಲೆ ಪ್ರತಿಜ್ಞಾ ಸುಹಾಸಿನಿ ಹಾಗೂ ಕಾಲೇಜ್‌ ಆಫ್‌ ಫಿಸಿಯೋಥೆರಪಿಯ ಪ್ರಾಂಶುಪಾಲ ಡಾ| ಭರತ್‌ ಕೆ.ಎಸ್‌. ಉಪಸ್ಥಿತರಿರುವರು.