Mangaluru ಪೊಲೀಸ್‌ ಅಧಿಕಾರಿಯೆಂದು ಹೇಳಿ ವಂಚನೆ ಯತ್ನ: ವಿದ್ಯಾರ್ಥಿ ಬಂಧನ

Team Udayavani, Aug 20, 2023, 11:26 PM IST

ಮಂಗಳೂರು: ಪೊಲೀಸ್‌ ಅಧಿಕಾರಿಯೆಂದು ಬಿಂಬಿಸಿ ವಂಚಿಸಲು ಯತ್ನಿಸಿದ ನಗರದ ನರ್ಸಿಂಗ್‌ ಕಾಲೇಜಿನ ಪ್ರಥಮ ವರ್ಷದ ವಿದ್ಯಾರ್ಥಿ ಕೇರಳ ಮೂಲದ ಬೆನಿಡಿಕ್ಟ್ ಸಾಬೂ (25)ನನ್ನು ಶನಿವಾರ ಉರ್ವ ಪೊಲೀಸರು ಬಂಧಿಸಿದ್ದಾರೆ.

ಈತನಿಂದ ರಾ, ಕೇರಳ ರಾಜ್ಯ ಪೊಲೀಸ್‌ ಮತ್ತು ಕೇರಳ ರಾಜ್ಯದ ಕೃಷಿ ಇಲಾಖೆಯ ನಕಲಿ ಐಡಿ ಕಾರ್ಡ್‌ಗಳು, ಒಂದು ಜತೆ ಪಿಎಸ್‌ಐ ಸಮವಸ್ತ್ರ, ಪೊಲೀಸ್‌ ಶೂಸ್‌, ಲೋಗೋ, ಮೆಡಲ್‌, ಬೆಲ್ಟ್, ಕ್ಯಾಪ್‌, 1 ಲ್ಯಾಪ್‌ಟಾಪ್‌ ಮತ್ತು 2 ಮೊಬೈಲ್‌ ಸೆಟ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಕಾಲೇಜುಗಳಲ್ಲಿ ನಡೆಯುತ್ತಿರುವ ವಿಶೇಷ ಜಾಗೃತಿ ಅಭಿಯಾನದ ಸಂದರ್ಭ ದೊರೆತ ಮಾಹಿತಿಯಂತೆ ಕಾರ್ಯಾಚರಣೆ ನಡೆಸಲಾಗಿದೆ. ಈತನಿಂದ ಯಾರಾದರೂ ವಂಚನೆಗೊಳಗಾಗಿದ್ದರೆ ಪೊಲೀಸರಿಗೆ ಮಾಹಿತಿ ನೀಡಬೇಕು ಎಂದು ಪೊಲೀಸ್‌ ಆಯುಕ್ತ ಕುಲದೀಪ್‌ ಕುಮಾರ್‌ ಆರ್‌. ಜೈನ್‌ ತಿಳಿಸಿದ್ದಾರೆ.