Manipal: ಕೆಎಂಸಿ; ಸೆಲ್‌ ಥೆರಪಿ ಸಮಾವೇಶ ಉದ್ಘಾಟನೆ

Team Udayavani, Oct 30, 2024, 12:57 AM IST

ಮಣಿಪಾಲ: ಮಣಿಪಾಲ್‌ ಸೆಂಟರ್‌ ಫಾರ್‌ ಬಯೋಥೆರಪಿಟಿಕ್ಸ್‌ ರಿಸರ್ಚ್‌, ಮಣಿಪಾಲದ ಕಸ್ತೂರ್ಬಾ ವೈದ್ಯಕೀಯ ಕಾಲೇಜಿನ ಕನ್ಸಲ್ಟೆನ್ಸಿ ಮತ್ತು ಎಂಟರ್‌ಪ್ರನ್ಯೂರ್ಶಿಪ್‌ ರಿಸರ್ಚ್‌ ವರ್ಟಿಕಲ್‌ ಸಹಯೋಗದೊಂದಿಗೆ ಮಣಿಪಾಲದ ಡಾ| ಟಿ.ಎಂ.ಎ. ಪೈ ಆಡಿಟೋರಿಯಂನಲ್ಲಿ ಸೆಲ್‌ ಥೆರಪಿ ಸಮಾವೇಶದ ಉದ್ಘಾಟನೆ ನಡೆಯಿತು.

ಮಾಹೆಯ ಬೋಧಕ ಆಸ್ಪತ್ರೆಗಳ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ| ಆನಂದ್‌ ವೇಣುಗೋಪಾಲ್‌ ಭಾಗವಹಿಸಿದ್ದರು.
ಸ್ಟೆಂಪ್ಯೂಟಿಕ್ಸ್‌ ರಿಸರ್ಚ್‌ ಪ್ರೈ.ಲಿ. ಕಾರ್ಯನಿರ್ವಾಹಕ ನಿರ್ದೇಶಕ ಹಾಗೂ ಸಿಇಒ ಬಿ.ಎನ್‌. ಮನೋಹರ್‌ ಮಾತನಾಡಿ, ಸ್ಟೆಮ್‌ ಸೆಲ್‌ ಸಂಶೋಧನೆಯು ಇಂದು ವೈದ್ಯಕೀಯ ಪ್ರಗತಿಯಲ್ಲಿ ಮುಂಚೂಣಿಯಲ್ಲಿದೆ.

ಅಭಿವೃದ್ಧಿಪಡಿಸಲಾಗುತ್ತಿರುವ ಚಿಕಿತ್ಸೆಗಳು ದೀರ್ಘ‌ಕಾಲದ ಕಾಯಿಲೆಗಳಿಗೆ ಚಿಕಿತ್ಸೆ ನೀಡುವುದು ಮಾತ್ರವಲ್ಲದೆ ಚಿಕಿತ್ಸೆಯು ಸಂಪೂರ್ಣ ಹೊಸ ಮಾರ್ಗಗಳಿಗೆ ಬಾಗಿಲು ತೆರೆಯುತ್ತದೆ ಎಂದರು.

ಮಾಹೆ ಸಹಕುಲಪತಿ ಡಾ| ಶರತ್‌ ಕುಮಾರ್‌ ರಾವ್‌ ಅಧ್ಯಕ್ಷತೆ ವಹಿಸಿ, ಮಾಹೆಯಲ್ಲಿ ಜಾಗತಿಕವಾಗಿ ರೋಗಿಗಳ ಫ‌ಲಿತಾಂಶಗಳನ್ನು ಸುಧಾರಿಸುವ ಶಕ್ತಿ ಹೊಂದಿರುವ ನಾವೀನ್ಯತೆ ಮತ್ತು ಬೆಂಬಲ ಸಂಶೋಧನೆಗೆ ಚಾಲನೆ ನೀಡಲು ನಾವು ಬದ್ಧರಾಗಿದ್ದೇವೆ. ಕ್ಲಿನಿಕಲ್‌ ಅಭ್ಯಾಸಕ್ಕೆ ಸಂಶೋಧನೆಯ ಅನುವಾದವನ್ನು ವೇಗಗೊಳಿಸಲು ಅಕಾಡೆಮಿ ಮತ್ತು ಉದ್ಯಮದ ನಡುವಿನ ಸಹಯೋಗವನ್ನು ಬೆಳೆಸುವ ಉದ್ದೇಶ ಹೊಂದಲಾಗಿದೆ ಎಂದರು.

ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ| ರವಿರಾಜ ಎನ್‌. ಸೀತಾರಾಮ್‌, ಐಸ್ಟೆಮ್‌ ರಿಸರ್ಚ್‌ನ ಸಹ ಸಂಸ್ಥಾಪಕ ಡಾ| ರಾಜರ್ಷಿ ಪಾಲ್‌, ಇಮ್ಯುನೀಲ್‌ ಥೆರಪ್ಯೂಟಿಕ್ಸ್‌ನ ಡಾ| ಲಕ್ಷ್ಮೀಕಾಂತ್‌ ಗಂಡಿಕೋಟ, ಸಾಯಿ ಲೈಫ್ ಸೈನ್ಸಸ್‌ನ ಡಾ| ನಿಖೀಲ್‌ ಜೈನ್‌, ಮೆಡಿಸ್ಪೆಕ್‌ ಇಂಡಿಯಾದ ಅಜಯ್‌ ಮೋದಿ ಭಾಗವಹಿಸಿದ್ದರು.

ಕಸ್ತೂರ್ಬಾ ವೈದ್ಯಕೀಯ ಕಾಲೇಜಿನ ಡೀನ್‌ ಡಾ| ಪದ್ಮರಾಜ್‌ ಹೆಗ್ಡೆ ಸ್ವಾಗತಿಸಿದರು.