ವರಿಷ್ಠರ ವಿರುದ್ಧ ಟೀಕೆ ಈಗ ಸಂಸದ ಮನೀಶ್‌ ಸರದಿ

Team Udayavani, Dec 24, 2021, 7:00 AM IST

ಹೊಸದಿಲ್ಲಿ: ಕಾಂಗ್ರೆಸ್‌ ವರಿಷ್ಠರ ವಿರುದ್ಧ ಹಿರಿಯ ನಾಯಕ ಹರೀಶ್‌ ರಾವತ್‌ ತಿರುಗಿ ಬಿದ್ದಿರುವಂತೆಯೇ ಕೇಂದ್ರದ ಮಾಜಿ ಸಚಿವ ಮನೀಶ್‌ ತಿವಾರಿ ಕೂಡ ಗುರುವಾರ ಟ್ವೀಟ್‌ ಪ್ರಹಾರ ಮಾಡಿದ್ದಾರೆ.

ಪಕ್ಷದ ವರಿಷ್ಠರು ಸೂಕ್ತವಾಗಿ ಪರಿಸ್ಥಿತಿಯನ್ನು ನಿಭಾಯಿ­ಸ­ದ್ದ­ರಿಂದಲೇ ಉತ್ತರಾಖಂಡ ಪ್ರದೇಶ ಕಾಂಗ್ರೆಸ್‌ ಸಮಿತಿಯಲ್ಲಿ ಬಿಕ್ಕಟ್ಟು ಉಂಟಾಗಿದೆ ಎಂದು ದೂರಿದ್ದಾರೆ.

“ಮೊದಲು ಅಸ್ಸಾಂ, ಅನಂತರ ಪಂಜಾಬ್‌, ಈಗ ಉತ್ತರಾಖಂಡ’ ಎಂದು ಬರೆದುಕೊಂಡಿದ್ದಾರೆ. ಈ ನಡುವೆ, ಮಾಜಿ ಸಿಎಂ ಹರೀಶ್‌ ರಾವತ್‌ ಟ್ವೀಟ್‌ನಿಂದ ಕಂಗೆಟ್ಟಿರುವ ಕಾಂಗ್ರೆಸ್‌ ವರಿಷ್ಠರು ಅವರ ಜತೆಗೆ ಮಾತುಕತೆ ನಡೆಸಿ, ಮುನಿಸಿನ ಕಾರಣ ತಿಳಿದುಕೊಳ್ಳಲು ಪ್ರಯತ್ನಿಸಿದ್ದಾರೆ.

ಇದನ್ನೂ ಓದಿ:ಮಣಿಪುರಕ್ಕೆ ಮಯನ್ಮಾರ್‌ ಉಗ್ರರಿಂದ ದಾಳಿ? ಕೇಂದ್ರ ಗುಪ್ತಚರ ಇಲಾಖೆಯ ಮುನ್ನೆಚ್ಚರಿಕೆ

ಈ ನಡುವೆ ಶುಕ್ರವಾರ ಹರೀಶ್‌ ರಾವತ್‌ ಹೊಸದಿಲ್ಲಿಗೆ ತೆರಳಲಿದ್ದು, ಚುನಾವಣೆಗೆ ಸಂಬಂಧಿಸಿದ ಪಕ್ಷದ ಸಭೆಯಲ್ಲಿ ಭಾಗವಹಿಸಲಿದ್ದಾರೆ.