ಮನರೇಗಾ ಅನುದಾನ ಮೀಸಲು: ಕೇಂದ್ರ ಸ್ಪಷ್ಟನೆ

Team Udayavani, Feb 4, 2023, 6:35 AM IST

ನವದೆಹಲಿ: ಮಹಾತ್ಮ ಗಾಂಧಿ ಗ್ರಾಮೀಣ ಉದ್ಯೋಗ ಖಾತ್ರೆ(ನರೇಗಾ) ಯೋಜನೆಗೆ 2023-24ನೇ ಸಾಲಿನ ಬಜೆಟ್‌ನಲ್ಲಿ 60,000 ಕೋಟಿ ರೂ. ಮೀಸಲಿಡಲಾಗಿದೆ. ಈ ಯೋಜನೆಗಾಗಿ 2022-23ನೇ ಸಾಲಿನ ಬಜೆಟ್‌ನಲ್ಲಿ 76,000 ಕೋಟಿ ರೂ. ಮೀಸಲಿರಿಸಲಾಗಿತ್ತು.

ಕಳೆದ ಸಾಲಿಗೆ ಹೋಲಿಸಿದರೆ ಈ ಸಾಲಿನಲ್ಲಿ ಅನುದಾನದಲ್ಲಿ ಶೇ.18ರಷ್ಟು ತಗ್ಗಿದೆ. ಇದರಿಂದ ಗ್ರಾಮೀಣ ಪ್ರದೇಶದವರ ಉದ್ಯೋಗದ ಮೇಲೆ ಹೊಡೆತ ಬೀಳಲಿದೆ ಎಂದು ಅನೇಕ ಮಾಧ್ಯಮಗಳಲ್ಲಿ ಬಂದಿರುವ ಸುದ್ದಿಗೆ ಕೇಂದ್ರ ಗ್ರಾಮೀಣ ಅಭಿವೃದ್ಧಿ ಸಚಿವಾಲಯ ಸ್ಟಷ್ಟನೆ ನೀಡಿದೆ.

ಅದರ ಪ್ರಕಾರ, 2014-15ರಿಂದ ಇಲ್ಲಿಯವರೆಗೂ ಬಜೆಟ್‌ನಲ್ಲಿ ಮೀಸಲಿಸಿರುವ ಅನುದಾನಕ್ಕಿಂತ ಹೆಚ್ಚಿನ ಅನುದಾನವನ್ನು ಮನರೇಗಾ ಯೋಜನೆಗೆ ಬಳಸಲಾಗಿದೆ. ಪ್ರಸಕ್ತ 2022-23ನೇ ಸಾಲಿನಲ್ಲಿ ಗ್ರಾಮೀಣ ಕುಟುಂಬಗಳಿಗೆ ಅವರ ಬೇಡಿಕೆಗೆ ಅನುಗುಣವಾಗಿ ಶೇ. 99.81ರಷ್ಟು ಉದ್ಯೋಗ ನೀಡಲಾಗಿದೆ.

ಕೇಂದ್ರದಿಂದ ಬಿಡುಗಡೆಯಾದ ಅನುದಾನ
ಹಣಕಾಸು ವರ್ಷ ಬಜೆಟ್‌ನಲ್ಲಿ ಮೀಸಲು(ಕೋಟಿ ರೂ.) ಪರಿಷ್ಕೃತ ಮೀಸಲು(ಕೋಟಿ ರೂ.) ಅನುದಾನ ಬಿಡುಗಡೆ(ಕೋಟಿ ರೂ.)
2018-19       55,000      61,830.09      61,829.55
2019-20       60,000      71,001.81       71,687.71
2020-21       61,500        1,11,500        1,11,170.86
2021-22      73,000          98,000         98,467.85