ಹಳೆಯ ಹಾಡಿಗೆ ಹೊಸ ಸ್ಪರ್ಶ

Team Udayavani, May 15, 2020, 4:54 AM IST

ಕೊರೊನಾ ಲಾಕ್‌ಡೌನ್‌ನ ಈ ಹಂತದಲ್ಲಿ ಪೇಕ್ಷಕರೊಡನೆ ಸಂಪರ್ಕ ಸಾಧ್ಯವಾಗಿಸಲು ನಿರ್ದೇಶಕ ರಘುರಾಮ್‌ ಹೊಸ ಪ್ರಯೋಗಕ್ಕೆ ಮುಂದಾಗಿದ್ದಾರೆ. “ಗಂಧದ ಗುಡಿಯ ಗಂಧರ್ವರು’ ಎಂಬ ಹೆಸರಿನ ಈ ಸರಣಿಯಲ್ಲಿ ಗಾಯನ  ಕೌಶಲ್ಯವನ್ನು ಹೊಂದಿರುವ ಕನ್ನಡದ ನಟರು, ಕಲಾವಿದರನ್ನು ಪ್ರೇಕ್ಷಕರ ಮುಂದೆ ತರುತ್ತಿದ್ದಾರೆ. ಈ ಗಂಧದಗುಡಿಯ ಗಂಧರ್ವರು ಶೋನಲ್ಲಿ ನಟರಾದ ವಿಜಯ ರಾಘವೇಂದ್ರ, ರವಿಶಂಕರ್‌ ಗೌಡ, ಸುನಿಲ್‌ ರಾವ್‌, ಅನಿರುದ್‌ಟಛಿ ಮತ್ತು  ನವೀನ್‌ ಕೃಷ್ಣ ಅವರು ಕನ್ನಡದ ಎವರ್‌ ಗ್ರೀನ್‌ ರೆಟ್ರೊ ಹಾಡುಗಳಿಗೆ ದನಿಯಾಗಲಿದ್ದಾರೆ. ಇಡೀ ಸಂಚಿಕೆಯನ್ನು ಸೃಜನ್‌ ಲೋಕೇಶ್‌ ನಿರೂಪಿಸಲಿದ್ದಾರೆ.

ಇದು ಸಂಭಾಷಣೆ-ಕಮ್‌ ಸಾಂಗ್‌ನ ಕಾರ್ಯಕ್ರಮವಾಗಿದೆ. ಹತ್ತು ವಿವಿಧ ನಟರು ಹಾಡಿದ ಪ್ರತಿ ಹಾಡಿನ ಇತಿಹಾಸದ ವಿವರಗಳನ್ನು ಸೃಜನ್‌ ಲೋಕೇಶ್‌ ನೀಡಲಿದ್ದಾರೆ ಈ ಸರಣಿಯನ್ನು ಸ್ಯಾಂಡಲ್‌ವುಡ್‌ನ‌ ಮೂರು ದೊಡ್ಡ ತಾರೆಯರು ಬಿಡುಗಡೆ ಮಾಡಲಿ ದ್ದು, ಈಗಾಗಲೇ ಕಲಾವಿದರ ಮನೆಯಲ್ಲೇ ಇದರ ಚಿತ್ರೀಕರಣ  ಕೂಡ ಪೂರ್ಣಗೊಂಡಿದೆ. ಸದ್ಯ ಈ ಮ್ಯೂಸಿಕಲ್‌ ಫೂಟೇಜ್‌ನ ಸಂಕಲನ ಕೆಲಸಗಳು ನಡೆಯುತ್ತಿದ್ದು, ಸುಮಾರು 45 ನಿಮಿಷಗಳ ಎಪಿಸೋಡ್‌ ಆನಂದ್‌ ಆಡಿಯೊದ ಯೂಟ್ಯೂಬ್‌ ಚಾನೆಲ್‌ನಲ್ಲಿ ಮೂರು ಸಂಚಿಕೆಗಳಾಗಿ ಬಿಡುಗಡೆಯಾಗಲಿದೆ.