ಕ್ರೈಸ್ಟ್‌ಚರ್ಚ್‌ ಟೆಸ್ಟ್‌: ನ್ಯೂಜಿಲ್ಯಾಂಡ್‌ಗೆ ಇನ್ನಿಂಗ್ಸ್‌ ಗೆಲುವು

Team Udayavani, Feb 19, 2022, 10:59 PM IST

ಕ್ರೈಸ್ಟ್‌ಚರ್ಚ್‌: ನಿರೀಕ್ಷೆಯಂತೆ ಕ್ರೈಸ್ಟ್‌ಚರ್ಚ್‌ ಟೆಸ್ಟ್‌ ಪಂದ್ಯದಲ್ಲಿ ನ್ಯೂಜಿಲ್ಯಾಂಡ್‌ ಇನ್ನಿಂಗ್ಸ್‌ ಗೆಲುವು ಸಾಧಿಸಿದೆ. ಇದರೊಂದಿಗೆ ದಕ್ಷಿಣ ಆಫ್ರಿಕಾ ವಿರುದ್ಧ 18 ವರ್ಷಗಳ ಬಳಿಕ ಟೆಸ್ಟ್‌ ಪಂದ್ಯವೊಂದನ್ನು ಗೆದ್ದಿದೆ.

ಮೊದಲ ಇನ್ನಿಂಗ್ಸ್‌ನಲ್ಲಿ 95 ರನ್ನಿಗೆ ಕುಸಿದಿದ್ದ ದಕ್ಷಿಣ ಆಫ್ರಿಕಾ, ದ್ವಿತೀಯ ಸರದಿಯಲ್ಲೂ ಬ್ಯಾಟಿಂಗ್‌ ಚೇತರಿಕೆ ಕಾಣಲಿಲ್ಲ. 382 ರನ್ನುಗಳ ಭಾರೀ ಹಿನ್ನಡೆಗೆ ಸಿಲುಕಿದ್ದ ಹರಿಣಗಳ ಪಡೆ 111 ರನ್ನಿಗೆ ಗಂಟುಮೂಟೆ ಕಟ್ಟಿತು. ನ್ಯೂಜಿಲ್ಯಾಂಡ್‌ ಕೇವಲ ಎರಡೂವರೆ ದಿನಗಳಲ್ಲಿ ಇನ್ನಿಂಗ್ಸ್‌ ಹಾಗೂ 276 ರನ್ನುಗಳ ಭಾರೀ ಗೆಲುವನ್ನು ತನ್ನದಾಗಿಸಿಕೊಂಡಿತು.

ಸಂಕ್ಷಿಪ್ತ ಸ್ಕೋರ್‌: ದಕ್ಷಿಣ ಆಫ್ರಿಕಾ-95 ಮತ್ತು 111 (ಬವುಮ 41, ವೆರೇಯ್ನ 30, ಸೌಥಿ 35ಕ್ಕೆ 5, ವ್ಯಾಗ್ನರ್‌ 19ಕ್ಕೆ 2, ಹೆನ್ರಿ 32ಕ್ಕೆ 2). ನ್ಯೂಜಿಲ್ಯಾಂಡ್‌-482. ಪಂದ್ಯಶ್ರೇಷ್ಠ: ಮ್ಯಾಟ್‌ ಹೆನ್ರಿ.