Newsclick: ನೆವಿಲ್ಲೆ ರಾಯ್‌ ಸಿಂಘಮ್‌ಗೆ ಇಡಿ ಹೊಸ ನೋಟಿಸ್‌

Team Udayavani, Nov 16, 2023, 8:39 PM IST

ನವದೆಹಲಿ: ಆನ್‌ಲೈನ್‌ ಸುದ್ದಿ ಮಾಧ್ಯಮ ನ್ಯೂಸ್‌ಕ್ಲಿಕ್‌ನ ಅಕ್ರಮ ಹಣವರ್ಗಾವಣೆ ಪ್ರಕರಣ ಸಂಬಂಧಿಸಿದಂತೆ ಅಮೆರಿಕದ ಶ್ರೀಮಂತ ಉದ್ಯಮಿ ನೆವಿಲ್ಲೆ ರಾಯ್‌ ಸಿಂಘಮ್‌ಗೆ ಜಾರಿ ನಿರ್ದೇಶನಾಲಯ (ಇಡಿ) ಮತ್ತೂಮ್ಮೆ ಸಮನ್ಸ್‌ ಜಾರಿಗೊಳಿಸಿದೆ. ಅವರ ವಿರದ್ಧ ಅಕ್ರಮ ಹಣಕಾಸು ವರ್ಗಾವಣೆ (ತಡೆ) ಕಾಯ್ದೆ (ಪಿಎಂಎಲ್‌ಎ) ಅನ್ವಯ ಸಮನ್ಸ್‌ ಜಾರಿ ಮಾಡಲಾಗಿದೆ.

ಸ್ಥಳೀಯ ನ್ಯಾಯಾಲಯವು ನೆವಿಲ್ಲೆಯ ಹೇಳಿಕೆ ದಾಖಲಿಸಿಕೊಳ್ಳಲು ಇಡಿ ಗೆ ಲೆಟೆರ್ಸ್‌ ರಾಗೆಟರಿ (ಎಲ್‌ಆರ್‌) ನೀಡಿದ ಹಿನ್ನೆಲೆಯಲ್ಲಿ ಹೊಸ ಸಮನ್ಸ್‌ ನೀಡಲಾಗಿದೆ. ಸಮನ್ಸ್‌ ಅನ್ನು ನೆವಿಲ್ಲೆ ಅವರಿಗೆ ಇ ಮೇಲ್‌ ಮಾಡುವುದರ ಜತೆಗೆ ಭಾರತದ ವಿದೇಶಾಂಗ ಸಚಿವಾಲಯದ ಸಹಾಯದೊಂದಿಗೆ ಚೀನಾದ ಮಾಧ್ಯಮಗಳಿಗೂ ತಲುಪಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.