ಈಗ ಟೊಮಾಟೊ ಸಸಿಗೂ ದುಪ್ಪಟ್ಟು ಬೆಲೆ!
Team Udayavani, Aug 4, 2023, 7:31 AM IST
ಚಿಕ್ಕಬಳ್ಳಾಪುರ: ದೇಶಾದ್ಯಂತ ಟೊಮಾಟೊ ದರ ಗಗನಕ್ಕೇರುತ್ತಿರುವ ಬೆನ್ನಲ್ಲೇ ಟೊಮಾಟೊ ನಾರುಗೆ (ಸಸಿ) ಇನ್ನಿಲ್ಲದ ಬೇಡಿಕೆ ಸೃಷ್ಟಿಯಾಗಿದ್ದು ನರ್ಸರಿಗಳಲ್ಲಿ ಟೊಮಾಟೊ ನಾರು ದುಪ್ಪಟ್ಟು ಬೆಲೆಗೆ ಮಾರಾಟವಾಗುತ್ತಿವೆ.
ಕಳೆದೊಂದು ತಿಂಗಳಿಂದ ಟೊಮಾಟೊ ತನ್ನ ದರ ಏರಿಸಿಕೊಂಡು ಗ್ರಾಹಕರನ್ನು ಕಂಗಾಲಾಗಿಸಿದ್ದು, ಇದೀಗ ಟೊಮಾಟೊ ಬೆಳೆಯಲು ಮುಂದಾಗಿರುವ ರೈತರಿಗೆ ಸಸಿಗಳ ದರ ಏರಿಕೆ ಸದ್ದಿಲ್ಲದೇ ಕೈ ಕಚ್ಚುತ್ತಿದೆ. ಆರಂಭದಲ್ಲಿ 500 ರಿಂದ 600 ರೂ.ಗೆ ಮಾರಾಟಗೊಂಡ 15 ಕೆಜಿ ಟೊಮಾಟೊ ಬಾಕ್ಸ್ ಈಗ 2,000 ರೂ. ಗಡಿ ದಾಟಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಗುಣಮಟ್ಟದ ಟೊಮಾಟೊ ಕೆಜಿಗೆ ಈಗಲೂ 140 ರಿಂದ 150 ರೂ.ಗೆ ಕಡಿಮೆ ಇಲ್ಲ.
ಟೊಮಾಟೊ ದರ ಸಮರಕ್ಕೆ ಹೈರಾಣಾದ ಗ್ರಾಹಕರು ಹುಣಿಸೆ, ನಿಂಬೆ ಬಳಕೆಗೆ ಮುಂದಾಗಿದ್ದರೂ ಟೊಮಾಟೊ ದರ ಸದ್ಯಕ್ಕೆ ಇಳಿಕೆ ಕಾಣುವ ಲಕ್ಷಣ ಕಂಡುಬರುತ್ತಿಲ್ಲ. ಬೆಲೆ ಏರಿಕೆ ಬೆನ್ನಲ್ಲೇ, ಜಿಲ್ಲಾದ್ಯಂತ ಕೊಳವೆ ಬಾವಿ ಇರುವ ರೈತರು ಲಾಭದಾಯಕ ಟೊಮಾಟೊ ಬೆಳೆ ಬೆಳೆಯಲು ಮುಂದಾಗಿದ್ದಾರೆ. ಇದರ ಪರಿಣಾಮ ನರ್ಸರಿಗಳಲ್ಲಿ ಟೊಮಾಟೊ ನಾರು (ಸಸಿ)ಗಳ ಬೆಲೆಯಲ್ಲೂ ಸಹಜವಾಗಿ ಏರಿಕೆ ಕಂಡಿದೆ.
ಈ ಹಿಂದೆ ಒಂದು ಟೊಮಾಟೊ ಸಸಿ ನರ್ಸರಿಗಳಲ್ಲಿ ಕೇವಲ 30 ರಿಂದ 40 ಪೈಸೆಗೆ ಮಾರಾಟಗೊಳ್ಳುತ್ತಿದ್ದವು. ಆದರೆ ಮಾರುಕಟ್ಟೆಯಲ್ಲಿ ಟೊಮಾಟೊ ದರ ಏರಿದ್ದೇ ತಡ ಸಸಿಗಳಿಗೂ ಬೇಡಿಕೆ ಹೆಚ್ಚಾಗಿದೆ. ನರ್ಸರಿಗಳಲ್ಲಿ ಒಂದು ಟೊಮಾಟೊ ಸಸಿ 1 ರೂ. ನಿಂದ 1.20 ಪೈಸೆ ವರೆಗೂ ಮಾರಾಟವಾಗುತ್ತಿವೆ.
ಸಸಿಗಳಿಗೆ ಭಾರೀ ಬೇಡಿಕೆ
ತಜ್ಞರ ಪ್ರಕಾರ ಟೊಮಾಟೊ ದರ ಸದ್ಯಕ್ಕೆ ಇಳಿಕೆಯಾಗುವುದಿಲ್ಲ. ಇನ್ನೂ 2-3 ತಿಂಗಳು ಮಾರುಕಟ್ಟೆಯಲ್ಲಿ ಇದೇ ಬೆಲೆ ಇರುತ್ತದೆ ಎಂದು ಅಂದಾಜು ಮಾಡಿರುವ ಪರಿಣಾಮ ಜಿಲ್ಲೆಯ ರೈತರು ಹೆಚ್ಚಿನ ಪ್ರಮಾಣದಲ್ಲಿ ಟೊಮಾಟೊ ಬೆಳೆಯಲು ಮುಂದಾಗಿದ್ದಾರೆ, ಇದರಿಂದಾಗಿ ನರ್ಸರಿಗಳಲ್ಲಿ ಸಸಿಗಳಿಗೆ ಭಾರೀ ಬೇಡಿಕೆ ಸೃಷ್ಠಿಯಾಗಿದೆ. ಬೆಲೆಯೂ ಹೆಚ್ಚಳವಾಗಿದೆ.
ಈ ಹಿಂದೆ ಒಂದು ಟೊಮಾಟೊ ಸಸಿಗೆ 40 ಪೈಸೆ ಇತ್ತು. ಟೊಮಾಟೊ ದರ ಏರಿಕೆ ಪರಿಣಾಮ ಈಗ ಒಂದು ಸಸಿಗೆ 1 ರೂ.ನಿಂದ 1.20, 1.30 ಪೈಸೆಗೆ ಮಾರಾಟ ಮಾಡುತ್ತಿದ್ದಾರೆ. ಕೆಲವು ಕಡೆ ಗುಣಮಟ್ಟದ ಸಸಿ ಸಿಗುವುದೂ ಕಷ್ಟ. ಆದರೂ ನರ್ಸರಿಗಳಲ್ಲಿ ಸಿಗುವ ಸಸಿಗಳನ್ನೇ ಖರೀದಿಸಿ ನಾಟಿ ಮಾಡುತ್ತಿದ್ದೇವೆ.
ಶಂಕರ್, ಟೊಮಾಟೊ ಬೆಳೆಗಾರ, ಚಿಂತಾಮಣಿ.
ಕಾಗತಿ ನಾಗರಾಜಪ್ಪ
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
Vijayanagara: ಅನುದಾನ ಇಲ್ಲದೇ, ಜನರು ಅಭಿವೃದ್ಧಿ ಕೇಳಿದ್ರೆ ಏನು ಮಾಡಲಿ: ಕಾಂಗ್ರೆಸ್ ಶಾಸಕ
Bidar: ಬಿಜೆಪಿಯವರು ಅಧಿಕಾರಕ್ಕಾಗಿ ಏನು ಮಾಡಲೂ ಹೇಸದವರು: ಈಶ್ವರ್ ಖಂಡ್ರೆ
Grant Fight: ಕರ್ನಾಟಕಕ್ಕೆ ಅನ್ಯಾಯವಾದಾಗ ಎಚ್ಡಿಡಿ, ಎಚ್ಡಿಕೆ ಮಾತಾಡಿದ್ದಾರಾ?: ಸಿಎಂ
Bidar: ದೇಶದ ಆರ್ಥಿಕತೆಗೆ ‘ಸಹಕಾರʼದ ಕೊಡುಗೆ ಶ್ರೇಷ್ಠ: ಸಚಿವ ಈಶ್ವರ ಖಂಡ್ರೆ
Belagavi: ಹೊಸಬರು, ಹಳಬರನ್ನೂ ಬಿಜೆಪಿಯವರು ಟಚ್ ಮಾಡ್ತಿದ್ದಾರೆ: ಶಾಸಕ ಬಾಬಾಸಾಹೇಬ ಪಾಟೀಲ್
MUST WATCH
ಹೊಸ ಸೇರ್ಪಡೆ
BJP: ರಾಜ್ಯಗಳಿಂದಲೇ ಮಾಲಿನ್ಯ ಹೆಚ್ಚಳ: ದಿಲ್ಲಿ ಸಿಎಂ ಆತಿಶಿ ಆರೋಪ
Maharashtra Elections: ವಿಪಕ್ಷ ನಾಯಕ ರಾಹುಲ್ ಛೋಟಾ ಪೋಪಟ್: ಬಿಜೆಪಿ ವಕ್ತಾರ ಲೇವಡಿ
Rahul Gandhi: ಮೋದಿ, ಅದಾನಿ, ಅಂಬಾನಿ ಒಟ್ಟಾದರೆ ಸುರಕ್ಷಿತ, ಇದೇ ಅರ್ಥ
Sri Lanka: ಪ್ರಧಾನ ಮಂತ್ರಿಯಾಗಿ ಹರಿಣಿ ಅಮರಸೂರ್ಯ ಪದಗ್ರಹಣ
Nirmala Sitharaman: ಬ್ಯಾಂಕುಗಳು ಬಡ್ಡಿದರ ಕೈಗೆಟಕುವಂತೆ ಕ್ರಮ ಕೈಗೊಳ್ಳಬೇಕು
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.