ಕೇರಳದ ದೊಡ್ಡಮನೆ ಮಾಲಕ ನಿಧನ

Team Udayavani, Apr 26, 2020, 5:45 AM IST

ದುಬಾೖ: ಕೇರಳದ ಅತ್ಯಂತ ದೊಡ್ಡ ಮನೆ ಎಂದೇ ಹೆಸರಾಗಿದ್ದ ಮನೆಯ ಮಾಲಕ, ದುಬಾೖಯಲ್ಲಿದ್ದ ಭಾರತೀಯ ಉದ್ಯಮಿ, ಕೇರಳದ ಅರಕ್ಕಲ್‌ ಪ್ಯಾಲೇಸ್‌ ಮಾಲಕ ಜೋಯ್‌ ಅರಕ್ಕಲ್‌(54) ದುಬಾೖಯಲ್ಲಿ ನಿಧನರಾಗಿದ್ದಾರೆ. ತೀವ್ರ ಹೃದಯಾಘಾತದಿಂದ ಸಾವು ಸಂಭವಿಸಿದೆ ಎಂದು ಹೇಳ ಲಾಗಿದ್ದರೂ ಸಾವಿಗೆ ನಿಖರ ಕಾರಣ ಇನ್ನೂ ತಿಳಿದುಬಂದಿಲ್ಲ.

ದುಬಾೖಯಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಇನ್ನೋವಾ ಸಮೂಹ ಸಂಸ್ಥೆಯಲ್ಲಿ ವ್ಯವಸ್ಥಾಪಕ ನಿರ್ದೇಶಕರಾಗಿ ಅರಕ್ಕಲ್‌ ಕಾರ್ಯನಿರ್ವಹಿಸು­ತ್ತಿದ್ದರು. 2 ದಶಕ ಗಳಿಂದಲೂ ಉದ್ದಿಮೆಯಲ್ಲಿ ತೊಡಗಿಕೊಂಡಿದ್ದ ಅರಕ್ಕಲ್‌ ಕೇರಳದ ವಯನಾಡ್‌ ಜಿಲ್ಲೆಯ ಮಾನಂದವಾಡಿ ಯಲ್ಲಿ ಬರೋಬ್ಬರಿ 45 ಸಾವಿರ ಚದರ ಅಡಿಯ ಮನೆ (ಅರಕ್ಕಲ್‌ ಪ್ಯಾಲೇಸ್‌) ನಿರ್ಮಾಣ ಮಾಡುವ ಮೂಲಕ ಭಾರೀ ಸುದ್ದಿ ಯಾಗಿದ್ದರು. ದುಬಾೖ­ಯಲ್ಲಿರುವ ಭಾರತದ ಕಾನ್ಸುಲ್‌ ಜನರಲ್‌ ವಿಪುಲ್‌ ಮಾತನಾಡಿ, ಪ್ರಸ್ತುತ ಕೋವಿಡ್-19 ಲಾಕ್‌ ಡೌನ್‌ ಇರುವ ಕಾರಣ ಅವರ ಪಾರ್ಥಿವ ಶರೀರವನ್ನು ಕಾರ್ಗೋ ವಿಮಾನದಲ್ಲಿ ಭಾರತಕ್ಕೆ ಒಯ್ಯಲು ವ್ಯವಸ್ಥೆ ಮಾಡಲಾಗುತ್ತದೆ ಎಂದಿದ್ದಾರೆ.