Crime: ಅನಾಥ ಬಾಲಕಿ ಮೇಲೆ ಸಾಮೂಹಿಕ ಅತ್ಯಾಚಾರ

Team Udayavani, Aug 22, 2023, 11:46 PM IST

ಹೈದರಾಬಾದ್‌/ಹೊಸದಿಲ್ಲಿ: ತೆಲಂಗಾಣ ರಾಜ­ಧಾನಿ ಹೈದರಾಬಾದ್‌ನ ಹೊರವಲಯದ ಮನೆ­ಯೊಂದಕ್ಕೆ ನುಗ್ಗಿ 15 ವರ್ಷದ ಅನಾಥ ಬಾಲಕಿ ಮೇಲೆ ಅತ್ಯಾಚಾರವೆಸಗಲಾಗಿದೆ. ಮನೆಗೆ ನುಗ್ಗಿದ ಎಂಟು ಮಂದಿಯ ಪೈಕಿ ಮೂವರು ಚೂರಿಯಿಂದ ಆಕೆಯನ್ನು ಬೆದರಿಸಿ­ದ್ದಾರೆ ಮತ್ತು ಅಮಲು ವಸ್ತು ನೀಡಿ ಹೇಯಕೃತ್ಯವೆಸಗಿದ್ದಾರೆ.
ಹೈದರಬಾದ್‌ನ ಲಾಲ್‌ ಬಜಾರ್‌ನಲ್ಲಿ ವಾಸಿಸುತ್ತಿದ್ದ ಅಕ್ಕ ಮತ್ತು ತಮ್ಮ(14), ಪೋಷಕರನ್ನು ಕಳೆದುಕೊಂಡ ಹಿನ್ನೆಲೆಯಲ್ಲಿ ಮೀರ್‌ಪೇಟೆಯಲ್ಲಿರುವ ಸಂಬಂಧಿಕರ ಮನೆಗೆ ಬಂದು ನೆಲೆಸಿದ್ದರು.

ಅಕ್ಕ ಸೇಲ್ಸ್‌ಗರ್ಲ್ ಆಗಿ ಬಟ್ಟೆ ಅಂಗಡಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದರೆ, ತಮ್ಮ ಫ್ಲೆಕ್ಸ್‌ ಬೋರ್ಡ್‌ ಅಂಗಡಿಯಲ್ಲಿ ಕೆಲಸ ಮಾಡುತ್ತಿದ್ದ. ದ್ವೇಷದ ಹಿನ್ನೆಲೆಯಲ್ಲಿ ಈ ಘಟನೆ ನಡೆದಿರಬಹುದೆಂದು ಶಂಕಿಸಲಾಗಿದೆ. ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಘಟನೆ ವಿರುದ್ಧ ಕಾಂಗ್ರೆಸ್‌ ಪ್ರತಿಭಟನೆ ನಡೆಸಿದೆ.

ನ್ಯಾಯಾಂಗ ವಶಕ್ಕೆ: ಇನ್ನೊಂದೆಡೆ ಹೊಸದಿಲ್ಲಿ­ಯಲ್ಲಿ ಸ್ನೇಹಿತ ಪುತ್ರಿಯ ಮೇಲೆ ಅತ್ಯಾಚಾರ ಎಸಗಿದ ಪ್ರಮೋದ ಯ ಖಾಕ ಮತ್ತು ಆತನ ಪತ್ನಿ ಸೀಮಾ ರಾಣಿಯನ್ನು ಒಂದು ದಿನದ ವರೆಗೆ ನ್ಯಾಯಾಂಗ ವಶಕ್ಕೆ ಒಪ್ಪಿಸಲಾಗಿದೆ. ಇದೇ ವೇಳೆ ಬಂಧನ ತಪ್ಪಿಸುವ ನಿಟ್ಟಿನಲ್ಲಿ ದಂಪತಿ ಪರಾರಿಯಾಗಿದ್ದರು ಎಂಬ ಅಂಶವೂ ಬೆಳಕಿಗೆ ಬಂದಿದೆ. ಇನ್ನೊಂದು ಘಟನೆಯಲ್ಲಿ ದಿಲ್ಲಿಯ ಲೋಧಿ ಕಾಲನಿಯಲ್ಲಿ ಬಾಲಕಿಯ ಮೇಲೆ ಅತ್ಯಾಚಾರವೆಸಗಲಾಗಿದೆ.