ಪರೇಶ ಮೇಸ್ತಾ ಪ್ರಕರಣ; ಅಮಾಯಕರ ಮೇಲಿನ ಕೇಸುಗಳು ವಾಪಸ್

Team Udayavani, Feb 20, 2023, 9:44 PM IST

ಶಿರಸಿ: ಪರೇಶ ಮೇಸ್ತಾ ಸಾವಿನ‌ ಪ್ರಕರಣದ ಬಳಿಕ‌ ನಡೆದ ಘಟನೆಯಲ್ಲಿ ಶಿರಸಿಯಲ್ಲಿ ಅಮಾಯಕರ ಮೇಲೆ ದಾಖಲಾಗಿದ್ದ ಪ್ರಕರಣಗಳನ್ನು ರಾಜ್ಯ ಸರಕಾರ ವಾಪಸ್ ಪಡೆದಿದೆ.

ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಚಿವ ಸಂಪುಟ ಸಭೆಯಲ್ಲಿ ಈ ತೀರ್ಮಾನ ಕೈಗೊಳ್ಳಲಾಗಿದೆ. ಪ್ರಕರಣ ವಾಪಸ್ ಪಡೆದದುಕ್ಕಾಗಿ ಸರಕಾರವನ್ನು ಸ್ಪೀಕರ್ ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ ಅಭಿನಂದಿಸಿದ್ದಾರೆ.

ಈ ಹಿಂದೆ‌ 26 ಪ್ರಕರಣಗಳನ್ನು ವಾಪಸ್ ಪಡೆಯಲಾಗಿತ್ತು. ಈಗ 112 ಜನರ ಮೇಲೆ ಉಳಿದು ಹೋಗಿದ್ದ 3 ಪ್ರಕರಣ ವಾಪಸ್ ಪಡೆಯಲಾಗಿದೆ. ಇದಕ್ಕೆ ಸಹಕಾರ ನೀಡಿದ ಗೃಹ ಸಚಿವ ಆರಗ ಜ್ಞಾನೇಂದ್ರ, ಸಿಎಂ ಬಸವರಾಜ್ ಬೊಮ್ಮಾಯಿ ಅವರಿಗೆ ಕಾಗೇರಿ ಅಭಿನಂದಿಸಿದ್ದಾರೆ ಎಂದು ಸ್ಪೀಕರ್ ಆಪ್ತ ಕಾರ್ಯದರ್ಶಿ ಸುಬ್ರಾಯ ಹೆಗಡೆ ಹಲಸಿನಳ್ಳಿ ತಿಳಿಸಿದ್ದಾರೆ.