Manipur: ಮಣಿಪುರ ಗಲಭೆ ಬಗ್ಗೆ ಪ್ರಧಾನಿ ತಪ್ಪು ಮಾಹಿತಿ: ದಿಗ್ವಿಜಯ ಸಿಂಗ್‌

Team Udayavani, Aug 11, 2023, 11:13 PM IST

ಹುಬ್ಬಳ್ಳಿ: ಮಣಿಪುರ ಗಲಭೆ ಬಗ್ಗೆ ಲೋಕಸಭೆಯಲ್ಲಿ ಪ್ರಧಾನಿ ಮೋದಿ ತಪ್ಪು ಮಾಹಿತಿ ಕೊಡುತ್ತಿದ್ದು, ಅವರದ್ದು ಕೇವಲ ರಾಜಕೀಯ ಭಾಷಣವಾಗಿದೆ ಎಂದು ಎಐಸಿಸಿ ಪ್ರಧಾನ ಕಾರ್ಯದರ್ಶಿ, ರಾಜ್ಯಸಭಾ ಸದಸ್ಯ ದಿಗ್ವಿಜಯ ಸಿಂಗ್‌ ಆರೋಪಿಸಿದರು.

ಸುದ್ದಿಗಾರರೊಂದಿಗೆ ಮಾತನಾ ಡಿದ ಅವರು, ಪ್ರಧಾನಿ ಮೋದಿ ಸಂಸತ್‌ನಲ್ಲಿ ಮಣಿಪುರ ಬಗ್ಗೆ ಆಧಾರ ರಹಿತ ತಪ್ಪು ಮಾಹಿತಿಗಳನ್ನು ಕೊಟ್ಟಿದ್ದಾರೆ. ಅವರು ಮಣಿಪುರಕ್ಕೆ ಯಾಕೆ ಹೋಗಿಲ್ಲವೆಂದು ಇಡೀ ದೇಶದ ಜನರು ಪ್ರಶ್ನಿಸುತ್ತಿದ್ದಾರೆ. ಇದಕ್ಕೆ ಅವರಿಂದ ಸೂಕ್ತ ಉತ್ತರ ಬರುತ್ತಿಲ್ಲ. ಅಲ್ಲಿ 3 ತಿಂಗಳಾದರೂ ಶಾಂತಿ ಸ್ಥಾಪನೆ ಆಗದಿರುವುದು ಯಾಕೆ ಎಂದೂ ಜನರು ಕೇಳುತ್ತಿ ದ್ದಾರೆ. ಇದಕ್ಕೂ ಅವರು ಉತ್ತರಿಸು ತ್ತಿಲ್ಲ. ಅಸ್ಸಾಂ ರೈಫಲ್ಸ್‌ ಮತ್ತು ಸ್ಥಳೀಯ ಪೊಲೀಸರ ನಡುವೆ ವಿವಾದ ಹೆಚ್ಚುತ್ತಲೇ ಇದ್ದು, ಇದರ ಬಗ್ಗೆಯೂ ಮಾತಾಡುತ್ತಿಲ್ಲ ಎಂದರು.