China: ಚೀನಾದಲ್ಲಿ ಮಕ್ಕಳನ್ನು ಕಾಡುತ್ತಿದೆ ನ್ಯುಮೋನಿಯ

Team Udayavani, Nov 23, 2023, 9:59 PM IST

ಜಿನೇವಾ/ಬೀಜಿಂಗ್‌: ಇನ್ನೂ ಕೊರೊನಾದಿಂದ ಹೊರಬರಲಾಗದೇ ಪರದಾಡುತ್ತಿರುವ ಚೀನಾದಲ್ಲಿ ಮತ್ತೂಂದು ಸಮಸ್ಯೆ ಕಾಣಿಸಿಕೊಂಡಿದೆ. ಅಲ್ಲಿನ ಮಕ್ಕಳಲ್ಲಿ ವಿಚಿತ್ರ ರೀತಿಯ ನ್ಯುಮೋನಿಯ ಕಾಣಿಸಿಕೊಂಡಿದೆ. ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಬೀಜಿಂಗ್‌ ಮತ್ತು ಲಿಯಾವನಿಂಗ್‌ನಲ್ಲೇ ಇದು ಅತಿಹೆಚ್ಚಾಗಿ ಕಾಣಿಸಿಕೊಂಡಿದೆ. ಹಲವಾರು ಶಾಲೆಗಳಿಗೆ ರಜೆ ಘೋಷಿಸಲಾಗಿದೆ. ಯಾವ ಕಾರಣಕ್ಕೆ ಹೀಗಾಗಿದೆ, ರೋಗದ ಲಕ್ಷಣಗಳೇನೆಂದು ವಿವರವಾಗಿ ತಿಳಿಸಿ ಎಂದು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲೂಎಚ್‌ಒ) ಚೀನಾಕ್ಕೆ ಕೇಳಿಕೊಂಡಿದೆ.

ಇದು ಸಾಂಕ್ರಾಮಿಕ ರೋಗವಾಗಿದೆ. ಆದರೆ ಉಸಿರಾಟದ ಸಮಸ್ಯೆಗೂ, ನ್ಯುಮೋನಿಯಕ್ಕೂ ಏನಾದರೂ ಸಂಬಂಧವಿದೆಯಾ ಎಂದು ಇದುವರೆಗೆ ಖಚಿತವಾಗಿಲ್ಲ. ಚೀನಾದ ಅಧಿಕಾರಿಗಳ ಪ್ರಕಾರ, ಕೊರೊನಾ ನಿರ್ಬಂಧಗಳನ್ನು ಸಡಿಲಗೊಳಿಸಿದ್ದೇ ಈ ಸಮಸ್ಯೆಗೆ ಕಾರಣ.