US: ಪೊಲೀಸರ ಪೈರಿಂಗ್‌: ಕಪ್ಪು ಮಹಿಳೆ ಸಾವು

Team Udayavani, Sep 3, 2023, 8:29 PM IST

ಓಹಿಯೋ: ಕಳ್ಳತನದ ಆರೋಪದಲ್ಲಿ ಪೊಲೀಸರು ಹಾರಿಸಿದ ಗುಂಡಿಗೆ ಕಪ್ಪು ಬಣ್ಣದ 21 ವರ್ಷದ ಗರ್ಭಿಣಿ ಬಲಿಯಾಗಿರುವ ಘಟನೆ ಅಮೆರಿಕದ ಓಹಿಯೋ ನಗರದಲ್ಲಿ ನಡೆದಿದೆ. ಟಕಿಯಾ ಮೃತ ಮಹಿಳೆಯಾಗಿದ್ದಾರೆ. ಆ.24ರಂದು ಈ ಘಟನೆ ನಡೆದಿದ್ದು, ಓಹಿಯೋ ಪೊಲೀಸರು ಬಿಡುಗಡೆಗೊಳಿಸಿದ ಬಾಡಿಕ್ಯಾಮ್‌ ವಿಡಿಯೋದಿಂದ ಇದೀಗ ಬೆಳಕಿಗೆ ಬಂದಿದೆ.

ಟಕಿಯಾ ತಮ್ಮ ಕಾರು ಚಲಾಯಿಸುತ್ತಿದ್ದರು. ಆಕೆಯ ಕಾರನ್ನು ತಡೆದ ಇಬ್ಬರು ಪೊಲೀಸ್‌ ಅಧಿಕಾರಿಗಳು, ಸಮೀಪದ ಪ್ರದೇಶದಲ್ಲಿ ನಡೆದ ಕಳ್ಳತನದ ಆರೋಪ ಹೊರಿಸಿದ್ದರು. ಆದರೆ, ಅವರು ಆರೋಪ ನಿರಾಕರಿಸಿ ಕಾರಿನಿಂದ ಕೆಳಕ್ಕೆ ಇಳಿಯಲು ನಿರಾಕರಿಸಿದ್ದಾರೆ. ಪೊಲೀಸರು ಬಲವಂತ ಮಾಡಿದರೂ, ಟಕಿಯಾ ಕಾರು ಚಲಾಯಿಸಿಕೊಂಡು ಹೋಗಲು ಯತ್ನಿಸಿದಾಗ ಒಬ್ಬ ಪೊಲೀಸ್‌ ಅಧಿಕಾರಿ, ಆಕೆಯ ಮೇಲೆ ಗುಂಡು ಹಾರಿಸಿದ್ದಾರೆ. ನಂತರ ಆಕೆಯನ್ನು ಆಸ್ಪತ್ರೆಗೆ ಸಾಗಿಸಿದರೂ ಆಕೆ ಬದುಕುಳಿಯಲಿಲ್ಲ.

ಟಕಿಯಾ ಈಗಾಗಲೇ ಇಬ್ಬರು ಮಕ್ಕಳ ತಾಯಿಯಾಗಿದ್ದು, ಮೂರನೇ ಮಗುವಿನ ನಿರೀಕ್ಷೆಯಲ್ಲಿದ್ದರು. “ಈ ಘಟನೆಯನ್ನು ಪೊಲೀಸರು ತಡೆಯಬಹುದಿತ್ತು. ಇದು ಅಧಿಕಾರದ ದುರುಪಯೋಗ’ ಎಂದು ಟಕಿಯಾ ಕುಟುಂಬಸ್ಥರು ದೂರಿದ್ದಾರೆ. 2020ರ ಮೇ 25ರಂದು ಶ್ವೇತ ವರ್ಣದ ಪೊಲೀಸ್‌ ಅಧಿಕಾರಿಯೊಬ್ಬ 46 ವರ್ಷದ ಕಪ್ಪು ವರ್ಣಿಯ ಜಾರ್ಜ್‌ ಪ್ಲಾಯ್ಡ ಎಂಬುವರನ್ನು ಗುಂಡಿಟ್ಟು ಹತ್ಯೆ ಮಾಡಿದ್ದ. ಇದರ ವಿರುದ್ಧ ಅಮೆರಿಕದಾದ್ಯಂತ ದೊಡ್ಡ ಮಟ್ಟದಲ್ಲಿ ಪ್ರತಿಭಟನೆ ನಡೆದಿತ್ತು.