ಪ್ರಸಾದ್‌ರಾಜ್‌ ಕಾಂಚನ್‌-33.64 ಕೋ.ರೂ. ಆಸ್ತಿ; ಕಿರಣ್‌ ಕೊಡ್ಗಿ -19 ಕೋ.ರೂ. ಆಸ್ತಿ

Team Udayavani, Apr 18, 2023, 10:34 AM IST

ಉಡುಪಿ: ಉಡುಪಿ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ಪ್ರಸಾದ್‌ರಾಜ್‌ ಕಾಂಚನ್‌ ಸಲ್ಲಿಸಿರುವ ನಾಮಪತ್ರದಲ್ಲಿ 33.64 ಕೋ.ರೂ. ಆಸ್ತಿ ಹಾಗೂ 6.16 ಕೋ.ರೂ. ಸಾಲವನ್ನು ತೋರಿಸಿದ್ದಾರೆ.

33.64 ಕೋ.ರೂ. ಆಸ್ತಿಯಲ್ಲಿ 24.08 ಚರಾಸ್ತಿ ಹಾಗೂ 9.56 ಕೋ. ರೂ. ಸ್ಥಿರಾಸ್ತಿ ಸೇರಿದೆ. ಅಪತ್ನಿ ಹೆಸರಿನಲ್ಲಿ 24.68 ಕೋ.ರೂ. ಚರಾಸ್ತಿ, 3.96 ಕೋ.ರೂ. ಸ್ಥಿರಾಸ್ತಿ ಇರುವುದಾಗಿ ತಿಳಿಸಿದ್ದಾರೆ. ವಿವಿಧ ಸಂಸ್ಥೆಗಳಲ್ಲಿ ಈಕ್ವಿಟಿ ಷೇರು ಇರುವುದನ್ನು ಉಲ್ಲೇಖೀಸಿದ್ದಾರೆ

ಕಿರಣ್‌ ಕೊಡ್ಗಿ:

ಕುಂದಾಪುರ ವಿಧಾನಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಕಿರಣ್‌ ಕೊಡ್ಗಿ ಅವರ ಹೆಸರಿನಲ್ಲಿ 9.32 ಕೋ.ರೂ.ಗಳ ಚರಾಸ್ತಿ, 9.88 ಕೋ.ರೂ. ಕೃಷಿ ಭೂಮಿ, ಕೃಷಿಯೇತರ ಭೂಮಿ ಇತ್ಯಾದಿ ಸೇರಿದ ಸ್ಥಿರಾಸ್ತಿ ಮೌಲ್ಯ, ತನ್ನ ಹೆಸರಿನಲ್ಲಿ ವಿವಿಧ  ಬ್ಯಾಂಕ್‌ಗಳಲ್ಲಿ 1.63 ಕೋ.ರೂ. ಸಾಲ ಇದೆ.

ಪತ್ನಿ ಹೇಮಾ ಕೊಡ್ಗಿ ಹೆಸರಿನಲ್ಲಿ 32.9 ಲಕ್ಷ ರೂ.ಚರಾಸ್ತಿ ಇದೆ. ಪಿತ್ರಾರ್ಜಿತವಾಗಿ ಬಂದ 33 ಎಕ್ರೆ ಕೃಷಿಭೂಮಿ, 1.75ಎಕರೆ ಕೃಷಿಯೇತರ ಭೂಮಿ, ಅಮಾಸೆಬೈಲಿನಲ್ಲಿ ವಾಣಿಜ್ಯ ಕಟ್ಟಡ, ಉಡುಪಿ ಹಾಗೂ ಮಂಗಳೂರಿನಲ್ಲಿ Flat  ಹೊಂದಿದ್ದಾರೆ.

ವಾಹನ, ಚಿನ್ನ

ಕಿರಣ್‌ ಕೊಡ್ಗಿ ಕೈಯಲ್ಲಿ 1.5 ಲಕ್ಷ ರೂ.ನಗದು, 8.6 ಕೋ.ರೂ. ಠೇವಣಿ, 22.6 ಲಕ್ಷ ರೂ.ಗಳ ಮ್ಯೂಚುವಲ್‌ Fund, ಷೇರು ಹೂಡಿಕೆ, 11 ಲಕ್ಷ ರೂ.ಗಳ ಇನ್ನೊವಾ ಹಾಗೂ 10 ಲಕ್ಷ ರೂ.ಗಳ ಕ್ರೆಟಾ ಕಾರು, 3.72 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಹೊಂದಿದ್ದಾರೆ. ಪತ್ನಿ ಹೇಮಾ ಕೊಡ್ಗಿ 50 ಸಾವಿರ ರೂ. ನಗದು, 21.85 ಲಕ್ಷ ರೂ. ಚಿನ್ನಾಭರಣ, 15 ಲಕ್ಷ ರೂ. ಠೇವಣಿ, ಪುತ್ರಿ ಮಹಿಮಾ ಕೊಡ್ಗಿ 21.3 ಲಕ್ಷ ರೂ.ಗಳ ಚಿನ್ನಾಭರಣ, 50 ಸಾವಿರ ರೂ. ನಗದು, 1.79 ಲಕ್ಷ ರೂ. ಠೇವಣಿ, ಕೊಡ್ಗಿ ಅವರ ತಾಯಿ 16.2 ಲಕ್ಷ ರೂ.ಗಳ ಚಿನ್ನಾಭರಣ, 49 ಸಾವಿರ ರೂ. ನಗದು ಹೊಂದಿದ್ದಾರೆ ಎಂದು ವಿವರದಲ್ಲಿ ಘೋಷಿಸಲಾಗಿದೆ.