ಕ್ರಿಸ್ಮಸ್ ಸಂಭ್ರಮದಲ್ಲಿ ಪ್ರಿಯಾಂಕಾ-ನಿಕ್ ಜೋನಾಸ್ ದಂಪತಿ

Team Udayavani, Dec 26, 2021, 12:53 PM IST

ಹೊಸದಿಲ್ಲಿ: ನಟಿ ಪ್ರಿಯಾಂಕಾ ಚೋಪ್ರಾ ಅವರು ಪತಿ ನಿಕ್ ಜೋನಾಸ್ ಅವರೊಂದಿಗೆ ಕ್ರಿಸ್ಮಸ್ ಹಬ್ಬದ ಸಂಭ್ರಮದಲ್ಲಿ ಪಾಲ್ಗೊಂಡ ಫೋಟೋಗೆ ಸಾಮಾಜಿಕ ತಾಣದಲ್ಲಿ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.

ಗಾಯಕ ನಿಕ್ ಇನ್‌ಸ್ಟಾಗ್ರಾಮ್‌ನಲ್ಲಿ ಚೆಂದದ ಫೋಟೋವನ್ನು ಹಂಚಿಕೊಂಡಿದ್ದು, ಅದರಲ್ಲಿ ಪ್ರಿಯಾಂಕಾ ಚೋಪ್ರಾ ನಿಕ್ ತೊಡೆಯ ಮೇಲೆ ಕುಳಿತು ಕೆನ್ನೆಗೆ ಸಿಹಿ ಮುತ್ತನ್ನು ಪಡೆಯುತ್ತಿದ್ದಾರೆ. ಸಂಭ್ರಮದ ನಗು ಬೀರುತ್ತಿದ್ದಾರೆ. ಜೊತೆಯಲ್ಲಿ ತನ್ನ ನಾಯಿ ಡಯಾನಾವನ್ನು ತನ್ನ ತೋಳುಗಳಲ್ಲಿ ಹಿಡಿದಿದ್ದಾರೆ . ದಂಪತಿಯ ಇನ್ನೆರಡು ನಾಯಿಗಳಾದ ಜಿನೋ ಮತ್ತು ಪಾಂಡಾ ಕೂಡ ದಂಪತಿಯ ಹತ್ತಿರ ಕುಳಿತಿವೆ. ಹಿನ್ನೆಲೆಯಲ್ಲಿ ದೈತ್ಯ ಕ್ರಿಸ್ಮಸ್ ಮರವಿದ್ದು ಅದರ ಸುತ್ತಲೂ ಸಾಕಷ್ಟು ಉಡುಗೊರೆಗಳಿವೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಫೋಟೋವನ್ನು ಹಂಚಿಕೊಂಡ ನಿಕ್, ನಮ್ಮ ಕುಟುಂಬದಿಂದ ನಿಮಗೆಲ್ಲರಿಗೂ ಕ್ರಿಸ್ಮಸ್ ಶುಭಾಶಯಗಳು. ಎಂದು ಬರೆದಿದ್ದಾರೆ.