ಸಚಿವರಿಂದ ಬಜೆಟ್‌ನಲ್ಲಿ ಕರಾವಳಿಗೆ ನ್ಯಾಯದ ಭರವಸೆ; ಶಾಸಕರ ನಿಯೋಗ ಸಿಎಂ ಭೇಟಿ: ಸುನಿಲ್‌

Team Udayavani, Feb 7, 2022, 6:20 AM IST

ಕಾರ್ಕಳ: ದಕ್ಷಿಣ ಕನ್ನಡ ಮತ್ತು ಉಡುಪಿ ಜಿಲ್ಲೆಯಲ್ಲಿ ಅಭಿವೃದ್ಧಿ ದೃಷ್ಟಿಯಿಂದ ಹಲವು ಬೇಡಿಕೆಗಳಿವೆ. ರಾಜ್ಯ ಬಜೆಟ್‌ ಮಂಡನೆ ವೇಳೆ ಎರಡೂ ಜಿಲ್ಲೆಗಳ ಬೇಡಿಕೆಗಳನ್ನು ಈಡೇರಿಸುವ ಪ್ರಯತ್ನ ನಡೆಸಲಾಗು ವುದು. ಎರಡೂ ಜಿಲ್ಲೆಗಳ ಶಾಸಕರ ನಿಯೋಗ ಮುಂದಿನ ವಾರ ಮುಖ್ಯಮಂತ್ರಿಗಳನ್ನು ಭೇಟಿಯಾಗಿ ಚರ್ಚಿಸಲಿದ್ದೇವೆ ಎಂದು ಇಂಧನ ಹಾಗೂ ಕನ್ನಡ ಮತ್ತು ಸಂಸ್ಕೃತಿ ಸಚಿವ ವಿ. ಸುನಿಲ್‌ಕುಮಾರ್‌ ಹೇಳಿದರು.

ಬ್ರೋಕರ್‌ ನಿಯಂತ್ರಣ
ಸರಕಾರಿ ಕಚೇರಿಗಳಲ್ಲಿ ಬ್ರೋಕರ್‌ ಹಾವಳಿ ಇದೆ. ಇದು ದೂರವಾಗ ಬೇಕು. ಜನಸಾಮಾನ್ಯರೇ ನೇರ ಕಚೇರಿಗೆ ಬಂದು ಕೆಲಸ ಮಾಡಿಸಿ ಕೊಂಡು ಹೋಗುವಂತಹ ಸ್ಥಿತಿ ಎಲ್ಲ ಕಚೇರಿ ಗಳಲ್ಲಿ ನಿರ್ಮಾಣವಾಗಬೇಕು. ಇದಕ್ಕಾಗಿ ಕ್ರಮಗಳನ್ನು ತೆಗೆದುಕೊಳ್ಳಲಿದ್ದೇವೆ. ಸರಕಾರಿ ಕಚೇರಿಗಳ ಅಧಿಕಾರಿಗಳ ಮಾನಸಿಕತೆ ಬದಲಾಗಬೇಕು ಎಂದರು.

“ಹಿಡನ್‌  ಅಜೆಂಡಾ ಬಹಿರಂಗ’
ಉಡುಪಿ: ಹಿಜಾಬ್‌ ಹಿಡನ್‌ ಅಜೆಂಡಾದ ಹಿಂದಿರುವ ಕಾಣದ ಮತೀಯ ಸಂಘಟನೆಗಳನ್ನು ಸರಕಾರ ಬಗ್ಗುಬಡಿಯಲಿದೆ ಎಂದು ಸಚಿವ ಸುನಿಲ್‌ ಕುಮಾರ್‌ ಹೇಳಿದರು. ಕಾನೂನನ್ನು ಗೌರವಿಸು ವುದಿಲ್ಲ ಎಂದಾದರೆ ಇದರ ಹಿಂದೆ ಹಿಡನ್‌ ಅಜೆಂಡಾ ಇದೆ ಎನ್ನುವುದು ಅರ್ಥವಾಗುತ್ತದೆ. ರಾಜ್ಯವನ್ನು ಈ ಮೂಲಕ ಏನೋ ಮಾಡುತ್ತೇವೆ ಎನ್ನುವುದನ್ನು ಸಹಿಸಲು ಸಾಧ್ಯವಿಲ್ಲ. ಪೋಷಕರು ಕೂಡ ಇದನ್ನು ಅರ್ಥ ಮಾಡಿಕೊಳ್ಳಬೇಕು. ಈ ನೆಲದ ಕಾನೂನನ್ನು ಎಲ್ಲರೂ ಗೌರವಿಸಬೇಕು. ಕಾನೂನು ಎನ್ನುವುದಕ್ಕಿಂತ ಶಾಲಾಕಾಲೇಜಿಗೆ ಸಮವಸ್ತ್ರದಲ್ಲಿ ಹೋಗುವುದು ಸಂಪ್ರದಾಯ. ಸಮಾನತೆಯ ಪ್ರತೀಕ ಎಂದು ಉಡುಪಿಯಲ್ಲಿ ರವಿವಾರ ಮಾಧ್ಯಮಗಳಿಗೆ ಅವರು ತಿಳಿಸಿದರು.