ಮುಂಬಯಿ ಪ್ರಯಾಣಿಕರ ಗಮನಕ್ಕೆ ರೈಲು ಸಂಚಾರ ರದ್ದು, ವಿಳಂಬ

Team Udayavani, Feb 3, 2022, 8:05 AM IST

ಉಡುಪಿ: ರೈಲ್ವೇ ಇಲಾಖೆಯ ನಿರ್ಧಾರದಂತೆ ಮುಂಬಯಿ ವಿಭಾಗದ ಥಾಣೆ-ದಿವಾ ಜಂಕ್ಷನ್‌ನ 5 ಮತ್ತು 6ನೇ ಪಥದ ಉನ್ನತೀಕರಣ ಕಾಮಗಾರಿ ನಡೆಯುತ್ತಿರುವುದರಿಂದ ಫೆ. 5ರಿಂದ 7ರ ಅವಧಿಯಲ್ಲಿ ಕೆಲವು ರೈಲು ಸಂಚಾರ ರದ್ದು ಮಾಡಿ, ಇನ್ನು ಕೆಲವು ರೈಲುಗಳು ವಿಳಂಬವಾಗಿ ಸಂಚರಿಸುವಂತೆ ವೇಳಾಪಟ್ಟಿ ರೂಪಿಸಲಾಗಿದೆ.

ಫೆ. 5ರಂದು ಹೊರಡುವ ರೈಲು ಸಂಖ್ಯೆ-22113 ಲೋಕಮಾನ್ಯ ತಿಲಕ್‌(ಟಿ)- ಕೊಚ್ಚುವೇಲಿ ಎಕ್ಸ್‌ಪ್ರೆಸ್‌, ಫೆ. 7ರಂದು ಹೊರಡುವ ರೈ.ಸಂ.-22114 ಕೊಚ್ಚುವೇಲಿ- ಲೋಕಮಾನ್ಯ ತಿಲಕ್‌(ಟಿ) ಎಕ್ಸ್‌ಪ್ರೆಸ್‌, ಫೆ. 2 ಮತ್ತು ಫೆ. 6ರಂದು ಹೊರಡುವ ರೈ.ಸಂ.-12224 ಎರ್ನಾಕುಲಂ ಜೆ.- ಲೋಕಮಾನ್ಯ ತಿಲಕ್‌ (ಟಿ) ಎಕ್ಸ್‌ಪ್ರೆಸ್‌, ಫೆ. 5 ಮತ್ತು ಫೆ. 8ರಂದು ಹೊರಡುವ ರೈ.ಸಂ.-12223 ಲೋಕಮಾನ್ಯ ತಿಲಕ್‌ (ಟಿ)- ಎರ್ನಾಕುಲಂ ಎಕ್ಸ್‌ಪ್ರೆಸ್‌, ಫೆ. 4ರಿಂದ ಫೆ. 7ರ ವರೆಗೆ ಹೊರಡುವ ರೈ.ಸಂ.-12133 ಮುಂಬಯಿ ಸಿಎಸ್‌ಎಂಟಿ- ಮಂಗಳೂರು ಜಂಕ್ಷನ್‌ ಎಕ್ಸ್‌ಪ್ರೆಸ್‌, ರೈ.ಸಂ.-12134 ಮಂಗಳೂರು ಜಂಕ್ಷನ್‌-ಮುಂಬಯಿ ಸಿಎಸ್‌ಎಂಟಿ ರೈಲುಗಳ ಸಂಚಾರವನ್ನು ಸ್ಥಗಿತಗೊಳಿಸಲಾಗಿದೆ.

ಇದನ್ನೂ ಓದಿ:ವಂದೇ ಭಾರತ್‌ ರೈಲು ಓಡಿಸಿ: ಕಾಂಗ್ರೆಸ್‌ ಸಂಸದ ಶಶಿ ತರೂರ್‌ ಒತ್ತಾಯ

ಫೆ. 6ರಂದು ಹೊರಡುವ ರೈ.ಸಂ.-12202 ಕೊಚ್ಚುವೇಲಿ-ಲೋಕಮಾನ್ಯ ತಿಲಕ್‌ (ಟಿ) ಎಕ್ಸ್‌ಪ್ರೆಸ್‌ ಹಾಗೂ ಫೆ. 4, 5, 6ರಂದು ಹೊರಡುವ ರೈ.ಸಂ.-16346 ತಿರುವನಂತಪುರ ಸೆಂಟ್ರಲ್‌-ಲೋಕಮಾನ್ಯ ತಿಲಕ್‌(ಟಿ) ಎಕ್ಸ್‌ ಪ್ರಸ್‌ ಮತ್ತು ರೈ.ಸಂ.-12620 ಮಂಗಳೂರು ಸೆಂಟ್ರಲ್‌- ಲೋಕಮಾನ್ಯ ತಿಲಕ್‌ (ಟಿ) ಎಕ್ಸ್‌ಪ್ರೆಸ್‌ ಪನ್ವೇಲ್‌ನಲ್ಲಿ ಕೊನೆಯಾಗಿ ಅಲ್ಲಿಂದಲೇ ಪುನಃ ಹೊರಡಲಿದೆ ಎಂದು ಪ್ರಕಟನೆ ತಿಳಿಸಿದೆ.