ಬಹು ನಿರೀಕ್ಷೆಯ ಪಂದ್ಯಕ್ಕೆ ಮಳೆ ಕಾಟ

Team Udayavani, Jul 9, 2020, 6:04 AM IST

ಸೌತಾಂಪ್ಟನ್‌: ಕೋವಿಡ್‌ ಭೀತಿಯ ನಡುವೆಯೂ ತೀವ್ರ ಕುತೂಹಲ ಮೂಡಿಸಿದ ಇಂಗ್ಲೆಂಡ್‌-ವೆಸ್ಟ್‌ ಇಂಡೀಸ್‌ ನಡುವೆ ಬುಧವಾರ ಇಲ್ಲಿ ಮೊದಲ್ಗೊಂಡ ಟೆಸ್ಟ್‌ ಪಂದ್ಯಕ್ಕೆ ಮಳೆಯ ಕಾಟ ಎದುರಾಗಿದೆ.

ಭೋಜನ ವಿರಾಮದ ಬಳಿಕ ಆರಂಭಗೊಂಡ ಪಂದ್ಯದಲ್ಲಿ ಇಂಗ್ಲೆಂಡ್‌ ಒಂದು ವಿಕೆಟಿಗೆ 35 ರನ್‌ ಗಳಿಸಿ ದಿನದಾಟ ಮುಂದುವರಿಸುತ್ತಿದೆ.

ಭಾರೀ ಮಳೆಯಿಂದಾಗಿ ಮೊದಲ ಅವಧಿಯ ಆಟ ಸಂಪೂರ್ಣ ನಷ್ಟವಾಯಿತು. ದ್ವಿತೀಯ ಅವಧಿಯಲ್ಲಿ ಟಾಸ್‌ ಗೆದ್ದ ಇಂಗ್ಲೆಂಡ್‌ ನಾಯಕ ಬೆನ್‌ ಸ್ಟೋಕ್ಸ್‌ ಬ್ಯಾಟಿಂಗ್‌ ಆಯ್ದುಕೊಂಡರು.

ಪಂದ್ಯದ ದ್ವಿತೀಯ ಓವರಿನಲ್ಲೇ ಡೊಮಿನಿಕ್‌ ಸಿಬ್ಲಿ (0) ಅವರನ್ನು ಬೌಲ್ಡ್‌ ಮಾಡಿದ ಶಾನನ್‌ ಗ್ಯಾಬ್ರಿಯಲ್‌ ಕೆರಿಬಿಯನ್‌ ಪಾಳೆಯದಲ್ಲಿ ಸಂತಸ ಮೂಡಿಸಿದರು. ಆದರೆ 5 ಓವರ್‌ ಪೂರ್ತಿಯಾಗುವಷ್ಟರಲ್ಲಿ ಪಂದ್ಯಕ್ಕೆ ಎರಡು ಸಲ ಮಳೆಯಿಂದ ಅಡಚಣೆಯಾಯಿತು.