38 ಕೋಟಿ ರೂ. ಮೌಲ್ಯದ ಆಸ್ತಿಯನ್ನು ಶಿಲ್ಪಾ ಶೆಟ್ಟಿಗೆ ವರ್ಗಾಯಿಸಿದ ಪತಿ ರಾಜ್ ಕುಂದ್ರಾ

Team Udayavani, Feb 4, 2022, 10:30 PM IST

ಮುಂಬೈ: ಮುಂಬೈನ ಜುಹುನ ಓಷಿಯಾನ್‌ ವ್ಯೂ ಎಂಬ ಅಪಾರ್ಟ್‌ಮೆಂಟ್‌ನಲ್ಲಿರುವ ಐದು ಫ್ಲಾಟ್‌ಗಳನ್ನು ಉದ್ಯಮಿ ರಾಜ್‌ ಕುಂದ್ರಾ, ತಮ್ಮ ಶಿಲ್ಪಾ ಶೆಟ್ಟಿಯವರ ಹೆಸರಿಗೆ ವರ್ಗಾವಣೆ ಮಾಡಿದ್ದಾರೆ.

38.5 ಕೋಟಿ ರೂ. ಮೌಲ್ಯದ ಈ ಐದೂ ಫ್ಲಾಟ್‌ಗಳು ಹಾಗೂ ಈ ಅಪಾರ್ಟ್‌ಮೆಂಟ್‌ ಕೆಳಗಿನ ಬೇಸ್‌ಮೆಂಟ್‌ ಜಾಗ ಕೂಡ ಶಿಲ್ಪಾರ ಹೆಸರಿಗೆ ನೋಂದಾವಣಿಯಾಗಿದ್ದು, ನೋಂದಾವಣಿ ವೇಳೆ, 1.92 ಕೋಟಿ ರೂ.ಗಳನ್ನು ಕಂದಾಯ ರೂಪದಲ್ಲಿ ಕುಂದ್ರಾ ನೀಡಿದ್ದಾರೆ.

ಈ ದಂಪತಿ, ತಮ್ಮೆಲ್ಲಾ ವ್ಯವಹಾರಗಳಲ್ಲಿ ಇದೇ ಫ್ಲಾಟ್‌ಗಳನ್ನೇ ತಮ್ಮ ಅಧಿಕೃತ ವಿಳಾಸವೆಂದು ಉಲ್ಲೇಖೀಸುತ್ತಿದ್ದರು ಎಂದು ಮೂಲಗಳು ತಿಳಿಸಿವೆ.

ಇದನ್ನೂ ಓದಿ:ಉತ್ತರ ಕನ್ನಡದ ಭಾಸ್ಕರ ಪಟಗಾರ ಕಾಂಗ್ರೆಸ್ ಸೇರ್ಪಡೆ: ಇನ್ನೂ ಹಲವರು ಬರಲಿದ್ದಾರೆ; ಡಿಕೆಶಿ

ಕಳೆದ ವರ್ಷ ಕುಂದ್ರಾ ಅವರು ಅಶ್ಲೀಲ ಚಿತ್ರಗಳ ತಯಾರಿಕೆ ಪ್ರಕರಣದಲ್ಲಿ ಸಿಲುಕಿ ಬಂಧನಕ್ಕೊಳಗಾಗಿದ್ದ ಬೆನ್ನಲ್ಲೇ ಶಿಲ್ಪಾ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು.

ವಿಚ್ಛೇದನ ಹಿನ್ನೆಲೆಯಲ್ಲಿ ಶಿಲ್ಪಾರಿಗೆ ಕುಂದ್ರಾರವರು ತಮ್ಮ ಆಸ್ತಿಯನ್ನು ಜೀವನಾಂಶ ರೂಪದಲ್ಲಿ ನೀಡಿರಬಹುದೇ ಎಂಬ ಅನುಮಾನಗಳು ಹುಟ್ಟಿವೆ.