Team Udayavani, May 24, 2020, 6:55 AM IST

ಸಾಂದರ್ಭಿಕ ಚಿತ್ರ.

ಜಗತ್ತಿನ ಅತ್ಯಂತ ವೇಗದ ಇಂಟರ್‌ನೆಟ್‌ ಸ್ಪೀಡ್‌ ಸಾಧನೆ ಮಾಡುವ ಮೂಲಕ ಆಸ್ಟ್ರೇಲಿಯಾ ದಾಖಲೆ ಬರೆದಿದೆ. ಪ್ರಸ್ತುತ ಪರೀಕ್ಷಿಸಲಾಗಿರುವ ಇಂಟರ್ನೆಟ್‌ ಪ್ರತಿ ಸೆಕೆಂಡಿಗೆ 44.2 ಟೆರಾಬೈಟ್‌ ವೇಗವಾಗಿತ್ತು ಎಂದು ಹೇಳಲಾಗಿದೆ. ಹಾಲಿ ಇರುವ ಬ್ರಾಡ್‌ಬ್ಯಾಂಡ್‌ಗೆ ಹೋಲಿಸಿದರೆ ಈ ವೇಗವು ಮಿಲಿಯನ್‌ ಪಟ್ಟು ಹೆಚ್ಚಾಗಿದೆ. ಈ ಮೂಲಕ ಬಳಕೆದಾರರು ಕೇವಲ ಒಂದು ಸೆಕೆಂಡ್‌ ಸಮಯದಲ್ಲಿ ಎಚ್‌ಡಿ ಗುಣಮಟ್ಟದ 1,000 ಚಲನಚಿತ್ರಗಳನ್ನು ಡೌನ್‌ಲೋಡ್‌ ಮಾಡ ಬಹುದು ಎಂದು ಸಂಶೋಧಕರು ಹೇಳಿದ್ದಾರೆ.

ಅಂದಹಾಗೆ ಈ ಅಸಾಮಾನ್ಯ ವೇಗವನ್ನು ಸಾಧಿಸಿ ತೋರಿಸಿರುವ ಮೋನಶ್‌, ಸ್ವಿಂಡ್‌ಬರ್ನ್ ಮತ್ತು ಆರ್‌ಎಂಐಟಿ ವಿಶ್ವವಿದ್ಯಾಲಯಗಳ ಸಂಶೋಧಕ ರನ್ನು ಒಳಗೊಂಡ ತಂಡ, ಮೆಲ್ಬೋರ್ನ್ ನಲ್ಲಿ ಡಾಟಾ ವರ್ಗಾವಣೆ ಮಾಡಲು ನೂರಾರು ಇನ್ಫ್ರಾರೆಡ್ ಲೇಸರ್‌ಗಳನ್ನು ಒಳಗೊಂಡಿರುವ ಮೈಕ್ರೊ- ಕೋಂಬ್‌ ಆಪ್ಟಿಕಲ್‌ ಚಿಪ್‌ ಅನ್ನು ಬಳಸಿರುವುದು ವಿಶೇಷ. ಪ್ರಸ್ತುತ ಸಿಂಗಾಪುರವು ಜಗತ್ತಿನ ಅತ್ಯಂತ ವೇಗದ ಇಂಟರ್‌ನೆಟ್‌ ಸೇವೆಯನ್ನು ಹೊಂದಿದ್ದು, ಅಲ್ಲಿನ ಡೌನ್‌ಲೋಡ್‌ ವೇಗವು ಪ್ರತಿ ಸೆಕೆಂಡಿಗೆ 197.3 ಮೆಗಾಬೈಟ್ಸ್‌ (ಎಂಬಿಪಿಎಸ್‌) ಇದೆ.